ايماقتار • 21 قىركۇيەك، 2019

مۇحتار قۇل-مۇحاممەد: وزەكتى ماسەلەلەردىڭ باسىم بولىگى وڭ شەشىمىن تاپتى

90 رەتكورسەتىلدى

پارلامەنت جوعارعى پالاتاسىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ اقمولا وبلىسىنداعى كوشپەلى وتىرىسىندا رەسپۋبليكالىق اسكەري (ارنايى) وقۋ ورىندارىن ودان ءارى دامىتۋ ماسەلەلەرى باستى تاقىرىپ بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

سەناتورلار قورعانىس مينيسترلىگىنىڭ ششۋچينسك قالاسىنداعى كادەت كورپۋسىندا بولعان كەزدە وقۋ باعدارلاماسىمەن، وقۋ كورپۋستارىمەن، سونداي-اق اسكەري قىزمەتشىلەردىڭ تۇرعىن ءۇي-تۇرمىستىق جاعدايلارىمەن تانىستى. كادەت كورپۋسىنداعى تەحنيكالىق دايىندىق جانە اتۋ-ۇيرەنۋ جاتتىعۋلارى وتەتىن سىنىپ بولمەلەرىنىڭ ماتەريالدىق-تەحنيكالىق جابدىقتالۋى كورسەتىلدى.

شارا بارىسىندا سەنات كوميتەتىنىڭ مۇشەلەرى وتكەن جىلدىڭ ءساۋىر ايىندا اسكەري ءبىلىم بەرۋدى دامىتۋ ماسەلەلەرى بويىنشا مۇددەلى مەملەكەتتىك ورگاندارمەن پەتروپاۆل قالاسىندا وتكىزگەن القالى كەزدەسۋىندە بەرىلگەن ۇسىنىستاردى ىسكە اسىرۋ ماسەلەلەرى جان-جاقتى تالقىلاندى.

قورعانىس مينيسترلىگى باسشىلىعىنىڭ اقپاراتى بويىنشا وسى كەزەڭدە ء«بىلىم تۋرالى» زاڭعا ەنگىزىلگەن تۇزەتۋلەردى ورىنداۋ ماقساتىندا كادەت كورپۋسىندا ءبىلىم بەرۋ قىزمەتىنىڭ ستاندارتتارى جاڭارتىلدى، ال وقۋ باعدارلاماسى اياسىندا اسكەري پاندەر بويىنشا بەلگىلى ءبىر تۇزەتۋلەر ەنگىزىلدى. ونىڭ ىشىندە وقۋ پاندەرىنە اۋعانستانداعى، يراكتاعى، سيرياداعى، شەشەنستانداعى جانە باسقا دا جەرگىلىكتى قاقتىعىستارداعى ۇرىس قيمىلدارىنىڭ تاجىريبەسى ەسكەرىلەتىن تاقىرىپتار دا بار.

كوميتەت مۇشەلەرى سول كۇنى كوكشەتاۋ قالاسىندا مامانداندىرىلعان ءورت ءسوندىرۋ بولىمىندە، سونداي-اق ىشكى ىستەر مينيسترلىگى تجك تەحنيكالىق ينستيتۋتىندا بولدى. وسىدان ءبىر جىل بۇرىن ىسكە قوسىلعان ءورت ءسوندىرۋ ءبولىمى قالانىڭ سولتۇستىك بولىگىندە ءورت قاۋىپسىزدىگىن قامتاماسىز ەتەدى، قازىرگى زامانعى ءورت تەحنيكاسىمەن جانە جابدىقتارىمەن، جايلى قىزمەتتىك جانە تۇرمىستىق ءۇي-جايلارمەن جابدىقتالعان.

ءورت ءسوندىرۋ ءبولىمىنىڭ عيماراتىندا وسى جىلدان باستاپ كوكشەتاۋ تەحنيكالىق ينستيتۋتىنىڭ وقۋ ورتالىعى جۇمىس ىستەي باستادى. دەپۋتاتتار ودان كەيىن ينستيتۋتتىڭ وزىندە دە بولدى.

سەناتورلار ينستيتۋتتىڭ وقۋ-زەرتحانالىق كورپۋستارىنا، وقۋ زالى بار كىتاپحاناعا، اكىمشىلىك كورپۋسقا، زەرتحاناعا، كۋرسانتتاردىڭ شاعىن باسپاحاناسى مەن جاتاقحاناسىنا (كازارماسىنا)، سپورت زالىنا، سونداي-اق وقۋ ءورت ءسوندىرۋ بولىمىنە بارىپ، جاعدايلارىمەن تانىستى.

كوميتەت مۇشەلەرى وتكەن جىلدىڭ ءساۋىر ايىندا سولتۇستىك قازاقستان وبلىسىندا وتكەن كوشپەلى وتىرىس بارىسىندا بەرىلگەن ۇسىنىمداردى ىسكە اسىرۋ بارىسى تۋرالى ىشكى ىستەر مينيسترلىگى مەن وقۋ ورنى باسشىلىعىنىڭ باياندامالارىن تىڭدادى.

ءمينيستردىڭ ورىنباسارى يۋري ءيليننىڭ اقپاراتى بويىنشا جاڭعىرتۋ اياسىندا ينستيتۋتتىڭ ءتورت وقۋ ورتالىعى قۇرىلعان بولاتىن. وقۋ ورنىن ماتەريالدىق-تەحنيكالىق قامتاماسىز ەتۋ جاقساردى، ول ءۇشىن بيۋدجەتتەن اعىمداعى جىلعا 1، 087 ملرد تەڭگە بولىنگەن، ال بۇرىن بۇل شىعىندار 909 ملن تەڭگەنى قۇراعان بولاتىن. كەلەسى جىلدان باستاپ ينستيتۋتتىڭ پروفەسسورلىق-وقىتۋشىلىق قۇرامىنىڭ جالاقىسىن 25 پايىزعا ارتتىرۋ كوزدەلىپ وتىر. ونىڭ ايتۋىنشا، وقۋ كورپۋسى مەن كازارمانى سالۋ ماسەلەسى كەزەكتە تۇر، مينيسترلىك ول تۋرالى جوبالاردى ءتيىستى مەملەكەتتىك ورگاندارعا كەلىسۋگە ۇسىنىپ قويدى.

حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد كوشپەلى وتىرىستى قورىتىندىلاي وتىرىپ، داريعا نازارباەۆانىڭ باسشىلىعىمەن وتكەن بۇرىنعى كوشپەلى وتىرىستاردا كوتەرىلگەن ماڭىزدى ماسەلەلەردىڭ باسىم بولىگى وڭ شەشىمىن تاپقانىن اتاپ ءوتتى. سەنات باسشىلىعى ءىىم جۇيەسىنىڭ الداعى رەفورماسىنا، ونىڭ ىشىندە توتەنشە جاعدايلار جونىندەگى ورگانداردى جەتىلدىرۋگە قاتىستى قويىلعان مىندەتتەر مەن ۇسىنىستاردىڭ شەشىلۋىنە وڭ ىقپال ەتەتىن بولادى. م.قۇل-مۇحاممەد بۇل ماسەلەلەردىڭ ءبارى جوعارعى پالاتا كوميتەتىنىڭ تۇراقتى باقىلاۋىندا ەكەنىن اتاپ ءوتتى.

سوڭعى جاڭالىقتار

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

پرەزيدەنت • بۇگىن، 07:04

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

ۇقساس جاڭالىقتار