ايماقتار • 19 قىركۇيەك، 2019

بەرەكەلى اۋىل – اينابۇلاق

228 رەتكورسەتىلدى

ەلوردامىزدان مىڭ جارىم شاقىرىمعا جۋىق جەردە اينابۇلاق دەيتىن كىشىگىرىم اۋىل بار. شىعىس قازاقستان وبلىسى زايسان اۋدانىنا قاراستى ەكى مىڭعا جۋىق حالقى بار بۇل مەكەن اۋدان ورتالىعىنىڭ سولتۇستىك-شىعىسىنا قاراي ون شاقىرىمدىق جەردە ورنالاسقان.

اتىنا زاتى ساي وسى اۋىلدىڭ تۇرعىندارى كوڭىلدەرى تازا، پەيىلدەرى كەڭ، قىزعا قىرىق ۇيدەن تىيىم، شاراپسىز جيىن جاسايتىن بەرەكەلى اۋىلعا اينالعان. اينابۇلاقتا جاقىندا «اۋىل كۇنى» اتاپ ءوتىلدى. اتالعان ءىس-شارا قاراشاڭىراق – اۋىلدان تۇلەپ ۇشقان، ءسويتىپ ارمان قۋىپ، ماقسات كوزدەپ جان-جاققا كەتكەن تۇلەكتەردىڭ باسىن قوسىپ، ورتاق مۇددەگە جۇمىلدىرىپ، سول ارقىلى وسكەلەڭ ۇرپاققا ۇلگى بولۋ ءۇشىن جاسالعان ەدى. يدەيانى ۇسىنىپ، ونىڭ جۇزەگە اسۋىنا تىكەلەي مۇرىندىق بولعان كەنجەعالي ماسەنوۆ ەسىم­دى ازاماتىمىزدى بۇكىل اۋىل تۇرعىندارى قولداپ، ورتاق قا­زانعا قاراجات قۇيىپ، وعان اۋىل جولدارىن جوندەۋ، توزىعى جەتكەن زيرات قور­شاۋىن جاڭالاۋ سىندى جۇمىستاردى ءبىر ءۇيدىڭ بالاسىن­داي بەرەكە-بىرلىكتە، اسا بەلسەندىلىكپەن اتقاردى. «جۇ­مىلا كوتەرگەن جۇك جەڭىل» ەكەنىن كورسەتتى. ءىس-شارا سوڭى ءدۇبىرلى تويعا ۇلاستى.

اۋىلدىڭ كوركەيۋى – ەلىمىزدىڭ كوركەيۋى دەپ ءبىلۋ كەرەك. سەبەبى بۇكىل قازاقى بولمىس پەن ۇلت­تىق قۇندىلىق وسى اۋىلدان باستالادى. «ەل بولامىن دەسەڭ – بەسىگىڭدى تۇزە» دەگەن دانا حال­قىمىز. ءوسىپ كەلە جاتقان جاس بۋىنعا وتاندى ءسۇيۋدى، تۋعان جەر­دى، تۋعان ەلدى قادىرلەۋدى سوزبەن ەمەس، وسىنداي ناقتى ىس­تەرمەن كورسەتە بىلگەنگە نە جەتسىن؟!

 

كەنجەگۇل تەرگەمباەۆا،

جۋرناليست

سوڭعى جاڭالىقتار

عارىشتا ادام قالاي ۇيىقتايدى؟

تەحنولوگيا • بۇگىن، 13:31

29 اقپان - كىبىسە كۇنى

قازاقستان • بۇگىن، 13:08

الماتى ماڭىندا جەر سىلكىندى

قازاقستان • بۇگىن، 11:55

ۇقساس جاڭالىقتار