«مال شارۋاشىلىعىن بارىنشا دامىتۋىمىز كەرەك. بۇل – ءبىزدىڭ ءداستۇرلى اتا كاسىبىمىز. ونىمەن قالاي اينالىسۋ كەرەك ەكەنىن بىلەمىز. ەڭ باستىسى, جۇمىستى قازىرگى زامان تالابىنا ساي دۇرىس جۇرگىزۋ كەرەك. ءتۇرلى باعىتتاعى ەت كلاستەرلەرىن دامىتۋ قاجەت. اتاپ ايتقاندا, قوي شارۋاشىلىعىن, ءسۇت ءوندىرۋدى جانە قۇس شارۋاشىلىعىن وركەندەتۋگە ءتيىسپىز. حالىقارالىق بولجام بويىنشا ازيا ەلدەرى مەن قىتايدا تابىستىڭ ارتۋىنا جانە حالىق سانىنىڭ كوبەيۋىنە بايلانىستى قوي ەتى مەن قۇس ەتىنە دەگەن سۇرانىس ارتادى. وسىنداي ءۇردىستى ءتيىمدى پايدالانۋىمىز كەرەك. ءسۇت ءونىمى مەن قۇس ەتىن ءوندىرۋدى ەكى ەسە ارتتىرساق, بۇگىن ءبىز يمپورتتاپ وتىرعان قوسىمشا 500 ميلليون دوللاردىڭ ءونىمىن الۋعا بولادى», دەدى پرەزيدەنت قاسىم-جومارت توقاەۆ.
