قوعام • 17 قىركۇيەك، 2019

قازاقستان ماتەماتيكا جانە جاراتىلىستانۋ پاندەرىنەن اكادەميالىق ءبىلىم بويىنشا 10 جەتەكشى ەلدىڭ قاتارىنا كىردى

72 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قازاقستاننىڭ حالىقارالىق رەيتينگتەردەگى پوزيتسيالارىن جاقسارتۋ شارالارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ءبىلىم جانە عىلىم ءمينيسترى اسحات ايماعامبەتوۆ ورتا ءبىلىم بەرۋدە قازاقستاننىڭ 5 سالىستىرمالى زەرتتەۋلەرگە قاتىساتىنىن ايتتى، ولاردىڭ نەگىزگىلەرى - PISA (Programme for International Student Assessment)، TIMSS  (Trends in International Mathematics and Science Study)، PIRLS (Progress in International Reading Literacy Study) زەرتتەۋلەرى.

«PIRLS زەرتتەۋىندە ءبىز ءماتىندى ءتۇسىنۋ جانە وقۋ ساۋاتتىلىعى بويىنشا 27-ءشى ورىندامىز. TIMSS-تا ماتەماتيكا جانە جاراتىلىستانۋ پاندەرى بويىنشا اكادەميالىق بىلىمدە ۇزدىكتەر ىشىندەمىز جانە 10 جەتەكشى ەلدىڭ قاتارىنا كىردىك»، دەدى ءبىلىم جانە عىلىم ءمينيسترى. 

وقۋشىلاردى العان بىلىمدەرىن قولدانۋعا ۇيرەتۋ ءۇشىن 2016 جىلدان باستاپ مەكتەپتەردە سىني ويلاۋ مەن داعدىلاردى دامىتۋعا باعىتتالعان جاڭارتىلعان مازمۇن ەنگىزىلۋدە.

جاھاندىق باسەكەگە قابىلەتتىلىك يندەكسىندە مينيسترلىككە 8 ينديكاتور بەكىتىلگەن. رەيتينگكە 140 ەل قاتىسادى.

«ولاردىڭ ىشىندە «كاسىپتىك-تەحنيكالىق ءبىلىم بەرۋ ساپاسى» بويىنشا 2017 جىلمەن سالىستىرعاندا 11 پوزيتسياعا (102-دەن 92-ورىنعا)، «وقىتۋداعى سىني ويلاۋ» بويىنشا 1 پوزيتسياعا (46-دان 45-ءشى ورىنعا) جاقساردى. «كۇتىلەتىن ءبىلىم بەرۋ ۇزاقتىعى» (53 ورىن) جانە «جاريالانىمداردىڭ دايەكسوزدىلىگى» (110 ورىن) بويىنشا الدىڭعى كورسەتكىشتەر ساقتالدى»، دەدى ا. ايماعامبەتوۆ.

مۇندا ء«بىلىم بەرۋدىڭ ورتاشا ۇزاقتىعى» (1 پوزيتسياعا 39-دان 40-ورىنعا)، «باستاۋىش سىنىپتارداعى وقۋشىلار مەن مۇعالىمدەردىڭ اراقاتىناسى» (23 پوزيتسياعا، 50-دەن 73-ورىنعا)، «تۇلەكتەردىڭ داعدىلارى» (7 پوزيتسياعا، 86-دان 93-ورىنعا) جانە «زەرتتەۋ ينستيتۋتتارىنىڭ ساپاسى» (1 پوزيتسياعا، 83-تەن 84-ورىنعا) بويىنشا پوزيتسيالاردىڭ تومەندەۋى بايقالادى.

جوعارى ءبىلىم بەرۋدەگى نەگىزگى رەيتينگتەر - QS World University Rankings جانە Times Higher Education.

ءمينيستردىڭ ايتۋىنشا، QS-دە قازاقستاندا وڭ ديناميكا بار، 2011 جىلى رەيتينگتە 5 جوعارى وقۋ ورنى، 2019 جىلى - 10 ۋنيۆەرسيتەت اتاپ ءوتىلدى. رەيتينگتە قازاقستاندىق جوعارى وقۋ ورىندارى اراسىندا كوشباسشى ورىندى ءال-فارابي اتىنداعى قازۇۋ يەلەندى - 207 ورىن (توپ-300). ۇزدىك 500 قاتارىنا 2 ۋنيۆەرسيتەت كىردى: ل. گۋميلەۆ اتىنداعى ەۇۋ (418)، م. اۋەزوۆ اتىنداعى وقمۋ (491).

سونىمەن قاتار 2018 جىلى العاش رەت Times Higher Education رەيتينگتىك باسىلىمىمەن  2 قازاقستاندىق جوو ء(ال-فارابي اتىنداعى قازۇۋ، گۋميلەۆ اتىنداعى ەۇۋ) تانىلدى.

جالپى العاندا ءبىلىم جانە عىلىم ءمينيسترى سەندىرگەندەي، ءبىلىم مەن عىلىمنىڭ ساپاسىن، قولجەتىمدىلىگىن جاقسارتۋ بويىنشا قازاقستاننىڭ حالىقارالىق رەيتينگتەردەگى ۇستانىمدارىن ارتتىرۋ جونىندەگى جۇمىس ءبىلىم مەن عىلىمدى دامىتۋدىڭ مەملەكەتتىك باعدارلاماسى جانە باسقا دا جۇيەلى شارالار شەڭبەرىندە جالعاساتىن بولادى.  

سوڭعى جاڭالىقتار

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

قور الدىندا ۇلكەن مىندەتتەر تۇر

پرەزيدەنت • بۇگىن، 07:04

قايتا ورالعان قۇمارشىق

ايماقتار • كەشە

ۇقساس جاڭالىقتار