ۇكىمەت • 17 قىركۇيەك، 2019

ۇكىمەتتە جامبىل وبلىسىنىڭ جەكە قوسالقى شارۋاشىلىقتارىن قولداۋ بويىنشا پيلوتتىق جوبا تالقىلاندى

62 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا اۋىلداردا جەكە قوسالقى شارۋاشىلىقتاردى قولداۋ ارقىلى جامبىل وبلىسىنىڭ تۇرعىندارىنىڭ تابىسىن ارتتىرۋ بويىنشا پيلوتتىق جوبانى ىسكە اسىرۋ جولدارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

مەملەكەت باسشىسى قاسىم-جومارت توقاەۆتىڭ اتالعان پيلوتتىق جوبا بويىنشا تاپسىرمالارىن ىسكە اسىرۋ تەتىگىن ازىرلەۋ بويىنشا اتقارىلعان جۇمىستار تۋرالى جامبىل وبلىسىنىڭ اكىمى ا. مىرزاحمەتوۆ، ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، اۋىل شارۋاشىلىعى ۆيتسە-ءمينيسترى ر. قۇرمانوۆ، سونداي-اق پرەمەر-ءمينيستردىڭ ورىنباسارى ب. ساپارباەۆ باياندادى. 

جوبا  وسىمدىك شارۋاشىلىعى، مال جانە قۇس شارۋاشىلىعىن دامىتۋ ءۇشىن ءۇي ىرگەسىندەگى تەلىمدەردى ءتيىمدى پايدالانۋ، سونداي-اق ەلدى مەكەندەردەن تىس جەرلەردە ءار اۋىل تۇرعىنىنا تيەسىلى جەر رەسۋرستارىن ءتيىمدى پايدالانۋ جانە ءار اۋىلدىق وكرۋگتە قاجەتتى تەحنيكا، قۇرال-جابدىقتارمەن جانە اينالىم قاراجاتتارىمەن كووپەراتيۆ قۇرۋ باعىتتارى بويىنشا مەملەكەتتىك قولداۋ شارالارىن قاراستىرادى.

پيلوتتىق جوبانى ىسكە اسىرۋعا 2020 جىلدىڭ سوڭىنا دەيىن يگەرۋ كەزەڭىمەن شامامەن 46،4 ملرد تەڭگە قاجەت. بيىل باستاپقى كەزەڭدە وبلىستىڭ 10 اۋدانىنىڭ 10 اۋىلدىق وكرۋگىنە 7،2 ملرد تەڭگە قاجەت، ولاردى 2459 شاعىن نەسيە بەرۋگە، ونىڭ ىشىندە 492 ستارتاپ-جوباعا بەرۋگە باعىتتاۋ كوزدەلگەن. شاعىن نەسيەلەردى اۋىلدىق ەلدى مەكەندەردە جانە شاعىن قالالاردا سوڭعى قارىز الۋشىعا جىلدىق 2،5% جانە 7 جىلدان اسپايتىن مەرزىمگە بەرۋ جوسپارلانۋدا.

اۋىل شارۋاشىلىعى مينيسترلىگى «ەڭبەك» ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان مەملەكەتتىك باعدارلاماسى اياسىندا  0،01% مولشەرلەمەمەن وبلىس اكىمدىگىنە بيۋدجەتتىك نەسيە بەرۋدى ۇسىنادى. اكىمدىك، ءوز كەزەگىندە، سەنىمدى اگەنتتى تارتۋمەن حالىققا ودان ءارى نەسيە بەرۋدى جۇزەگە اسىرادى. بۇل رەتتە «تاراز» اكك سەنىمدى اگەنت رەتىندە ارەكەت ەتەدى جانە سوڭعى قارىز الۋشى ءۇشىن سىياقى مولشەرلەمەسى 2،5% قۇرايدى.

«وزدەرىڭىز بىلەسىزدەر، ءبىزدىڭ الدىمىزدا قازاقستاندىقتاردىڭ ءال-اۋقاتىن ارتتىرۋ، ءومىر ساپاسىن جاقسارتۋ مىندەتى تۇر. ازاماتتارعا وزدەرىنىڭ كاسىپكەرلىك باستامالارىن ىسكە اسىرۋعا، نەسيەلەردى وڭاي الۋعا، وتباسىلىق بيزنەس جۇرگىزۋگە بارلىق مۇمكىندىكتەردى جاساۋىمىز قاجەت. شاعىن نەسيە بەرۋ جاي عانا از پايىزبەن اقشا تاراتۋ بولماۋى كەرەك.  جوبانى ىسكە اسىرۋ كەزىندە قارىز اقشانى قايتارۋعا قاتاڭ باقىلاۋ بولۋى قاجەت»، دەدى ا. مامين.   

ۇكىمەت باسشىسى اۋىل شارۋاشىلىعى مەن ەڭبەك جانە حالىقتى الەۋمەتتىك قورعاۋ مينيسترلىكتەرىنە قىركۇيەك ايىنىڭ سوڭىنا دەيىن پيلوتتىق جوبانى ىسكە اسىرۋ تەتىگىن قاراۋعا ەنگىزىپ، سونداي-اق جاريالانعان كورسەتكىشتەرگە ۋاقىتىلى قول جەتكىزۋدىڭ ءتيىستى باقىلاۋىن قامتاماسىز ەتۋدى تاپسىردى.

«كەلەسى جىلى پيلوتتىق جوبانى ىسكە اسىرۋ قورىتىندىسىن شىعارامىز»، دەپ تۇيىندەدى پرەمەر-مينيستر. 

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار