تەحنولوگيا • 16 قىركۇيەك، 2019

سۋپەركومپيۋتەر ۇسىنۋ جونىندەگى قۇجاتقا قول قويىلدى

38 رەت كورسەتىلدى

قىتاي حالىق رەسپۋبليكاسىنا مەملەكەتتىك ساپارى بارىسىندا قازاقستان پرەزيدەنتى قاسىم-جومارت توقاەۆ پەن قحر توراعاسى سي تسزينپينمەن كەزدەسكەنى بەلگىلى. جوعارى دەڭگەيدەگى ەكىجاقتى كەزدەسۋ اياسىندا ماڭىزدى مەملەكەتارالىق قۇجاتتارعا، ونىڭ ىشىندە قازاقستان تاراپىنا سۋپەركومپيۋتەردى ۇسىنۋ جوباسى بويىنشا ىنتىماقتاستىق تۋرالى قر مەن قحر ۇكىمەتتەرى اراسىنداعى كەلىسىمگە قول قويىلعان. بۇل تۋرالى ءال-فارابي اتىنداعى قازاق ۇلتتىق ۋنيۆەرسيتەتىنىڭ ءباسپاسوز قىزمەتى حابارلادى.

الەمدەگى ەڭ وندىرگىش ۇزدىك 500-گە كىرەتىن سۋپەركومپيۋتەردى ەلىمىزدىڭ جەتەكشى جوعارى وقۋ ورنى – الەمنىڭ 130-دان استام جوعارى وقۋ ورىندارىن بىرىكتىرەتىن جىبەك جولى ۋنيۆەرسيتەتتەرى اليانسىنىڭ حالىقارالىق IT-تەحنوپاركىن قۇرۋ بويىنشا جۇمىس ىستەيتىن ءال-فارابي اتىنداعى قازۇۋ الادى.

«Silicon Valley» مودەلى بويىنشا قۇرىلاتىن IT-تەحنوپاركى مەن سۋپەركومپيۋتەرلىك جانە بۇلتتى ەسەپتەۋلەر ورتالىعى قازۇۋ-دىڭ «جوعارى تەحنولوگيالار ايماعىندا» ورنالاستىرىلادى. قازىرگى ۋاقىتتا ينفراقۇرىلىم مەن قاجەتتى ءۇي-جايلاردى دايىنداۋ جۇمىستارى قارقىندى جۇرگىزىلۋدە. سونداي-اق بۇل جەردە «يندۋستريا 4.0» ۇجىمدىق پايدالانۋ ورتالىعى مەن كورمە ورتالىعى ورنالاساتىن بولادى. قازۇۋ-دا قۇرىلاتىن الەمدىك دەڭگەيدەگى ءىت-تەحنوپاركى ەلباسىنىڭ ءىت-يندۋسترياسىن قالىپتاستىرۋ جانە ەلدىڭ جاھاندىق باسەكەگە قابىلەتتىلىگىن ارتتىرۋ بويىنشا قويعان مىندەتتەرىن جۇزەگە اسىرۋ درايۆەرلەرىنىڭ بىرىنە اينالماق.

بەيجىڭدەگى قازاقستان-قىتاي ىسكەرلىك كەڭەسىنىڭ التىنشى وتىرىسىندا سويلەگەن سوزىندە مەملەكەت باسشىسى قازاقستان قىتايدىڭ كومپانيالارىمەن بىرلەسكەن يننوۆاتسيالىق كاسىپورىندار، تەحنوپاركتەر مەن IT-ورتالىقتار قۇرۋعا مۇددەلى ەكەنىن اتاپ ءوتتى.

ۇكىمەت دەلەگاتسياسىنىڭ قۇرامىندا قىتايعا ساپارى بارىسىندا قازۇۋ رەكتورى، اكادەميك عالىم مۇتانوۆ بەلگىلى جوعارى تەحنولوگيالىق كومپانيالاردىڭ وكىلدەرىمەن كەزدەسىپ، عىلىمي-تەحنيكالىق ىنتىماقتاستىقتى كەڭەيتۋ ماسەلەلەرىن تالقىلادى. «Inspur» كومپانياسىمەن جوعارى تەحنولوگيالار سالاسىنداعى ىنتىماقتاستىق تۋرالى مەموراندۋمعا قول قويىلدى. تاراپتار جوعارى ءونىمدى سەرۆەرلەر، قر-دا دەرەكتەردى ساقتاۋ جۇيەلەرى مەن دەربەس كومپيۋتەرلەردى ءوندىرۋ بويىنشا بىرلەسكەن جوبانى ىسكە اسىرۋ، سونداي-اق الدىڭعى قاتارلى ساندىق تەحنولوگيالار ترانسفەرتى جانە Big Dاta، زاتتار ينتەرنەتى، جاساندى ينتەللەكت، بۇلتتى تەحنولوگيالار جانە ت. ب. باعىتتاردا عىلىمي زەرتتەۋلەر جۇرگىزۋ ماسەلەلەرىن تالقىلادى.

مۇنداي جوبالاردى تابىستى جۇزەگە اسىرۋ «تسيفرلىق قازاقستان» مەملەكەتتىك باعدارلاماسىن ىسكە اسىرۋعا ىقپال ەتىپ، عىلىمدى قاجەتسىنەتىن تەحنولوگيالاردى دامىتۋ مەن ەل ەكونوميكاسىن جاڭعىرتۋ لوكوموتيۆتەرىنىڭ ءبىرى بولماق.

 

الماتى

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار