ايماقتار • 16 قىركۇيەك، 2019

سەكتوردى ساقاداي ساي قىلدى

74 رەت كورسەتىلدى

وق-ءدارى قويماسىنداعى جارىلىس سالدارىنان ب ۇلىنگەن ارىس قالاسىنداعى تۇرعىن-ۇيلەردى قالپىنا كەلتىرۋ بىرنەشە سەكتورعا ءبولىنىپ، ءار وڭىرگە بەكىتىلىپ بەرىلگەنى ءمالىم. سونىڭ ىشىندە №12-ءشى سەكتور اقتوبەلىك قۇرىلىس كومپانيالارىنىڭ ەنشىسىنە ءتيدى. توتەنشە جاعداي ورىن العان اسكەري نىسانعا تاياۋ ورنالاسقاندىقتان دا، بۇل ماڭايداعى 789 تۇرعىن ءۇيدىڭ 543-ءى قاتتى قيراعانى، تۇتاستاي العاندا №12 سەكتور ارىس قالاسىنداعى ەڭ كوپ ب ۇلىنگەن اۋماق ەكەندىگى بەلگىلى بولىپ وتىر.

اقتوبە وبلىسىنان بارعان التى قۇرىلىس ۇيىمى سنارياد جارىلىسىنان قيراعان ۇيلەردىڭ توبەسىن قايتا كوتەرىپ، شاتىرلارىن جوندەۋ جانە ەدەن-تەرەزەلەرىن سالۋ مەن سىلاق جۇمىستارىن 25 تامىزدا ءبىتىردى. ال 11-ءشى قىركۇيەكتە وڭىرگە بەكىتىلگەن قۇرىلىس جۇمىسىنىڭ ءبارى تولىقتاي اياقتالدى. بۇعان ءتورت جۇزدەن استام قۇرىلىسشى ماماندارى مەن جەتى تەحنيكا بىرلىگى جۇمىلدىرىلدى، - دەدى گازەت تىلشىسىنە ءۇش اي بويى وسى جاۋاپتى ءىستىڭ باسى-قاسىنىدا جۇرگەن اقتوبە وبلىسى اكىمىنىڭ ءبىرىنشى ورىنباسارى راحات سىدىقوۆ.

تاعى ءبىر كوڭىلگە تۇيگەنىمىز، جارىلىس كەزىندە زارداپ شەكپەسە دە بۇدان بولەك 73 ءۇيدىڭ تۇرعىندارى باسپانالارىن جوندەپ بەرۋىن سۇراپ، ارىس قالاسىنىڭ اكىمدىگىنە ءوتىنىش تۇسىرگەن ەكەن. مۇندا نەگىزىنەن تۇرمىسى تومەن وتباسىلار مەن مۇگەدەك جاندار جانە ەلگە ەڭبەگى سىڭگەن زەينەتكەرلەر تۇراتىن بولعان سوڭ ارىس قالاسىنىڭ اكىمى مۇرات قادىربەك اقتوبەلىك كومپانيا جەتەكشىلەرىنە اتالعان ەسكى ۇيلەردى دە جوندەپ بەرۋدى وتىنگەن ەكەن. ولار بۇل تىلەكتى دە قۇپ الىپ، 549 ۇيمەن بىرگە 73 ءۇيدى دە قوسا جوندەۋگە كىرىسىپتى. بۇل جايت اياقتالۋى الدىن-الا بەلگىلەنگەن قۇرىلىس جۇمىستارىنىڭ ءسال سوزىلىپ كەتۋىنە اسەرىن تيگىزگەن.

سونداي-اق اقتوبەلىك قۇرىلىسشىلار ب ۇلىنگەن باسپانالارعا كۇردەلى جوندەۋلەر جۇرگىزۋمەن قاتار بىرنەشە ءۇيدى نولدىك تسيكلدان باستاپ، جاڭادان سىڭعىرلاتىپ سالىپ بەرىپتى. ونىڭ ءبىرى جارىلىس كەزىندە قازا تاپقان اسكەري قىزمەتشى، اعا-سەرجانت باۋىرجان الىمبەكوۆتىڭ وتباسىنا بەرىلگەن. دوسقاراەۆ كوشەسىندەگى №16-شى ۇيدە تۇراتىن مارقۇمنىڭ كورشىسىنىڭ ۇيىنە دە سنارياد تۇسكەن ەكەن. ونىڭ ورىنىنا دا جاڭا باسپانا تۇرعىزىلعان. ءسانى مەن ساۋلەتى كەلىسكەن قونىسقا يە بولعان اقتوبەلىك قۇرىلىسشىلارعا العىسىن جاۋدىرعانداردىڭ قاتارىندا كوپ بالالى انالار مەن وتباسىلار دا بار.

اقتوبە وبلىسىنىڭ تۇرعىندارى ارىستا ورىن العان توتەنشە جاعدايعا بايلانىستى ارنايى كومەك قورىنا 165 ميلليون تەڭگەگە تاياۋ قاراجات تۇسىرگەن. وسى سومانىڭ نەگىزگى بولىگى قيراعان ۇيلەرگە ورتاشا جانە كۇردەلى جوندەۋلەر جۇرگىزۋگە جۇمسالعان. قىسقاسى وزدەرىنە بەكىتىلىپ بەرىلگەن كۇردەلى سەكتوردى كورسەتىلگەن مەرزىمدە ساقاداي ساي قىلعان وركەندى ءوڭىر وكىلدەرىنە ارىستاعى اعايىنداردىڭ ريزاشىلىعى شەكسىز دەۋگە بولادى. وسىنداي العىس سەزىمىنە تولى وي-پىكىرلەر الەۋمەتتىك جەلىلەردە دە كورىنىس تابۋدا. قاي كەزدە دە بىرلىكتىڭ سوزبەن ەمەس، ءدال وسىلايشا ىسپەن بەكەمدەلگەنىنە نە جەتسىن!

 

اقتوبە – ارىس – اقتوبە

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار