قازاقستان • 16 قىركۇيەك، 2019

ساباقتاستىق ساقتالادى، بايلانىس نىعايادى

44 رەت كورسەتىلدى

تاياۋدا مەملەكەت باسشىسى قاسىم-جومارت توقاەۆ قىتاي حالىق رەسپۋبليكاسىنا مەملەكەتتىك ساپارمەن بارعانى بەلگىلى. ورتالىق كوممۋنيكاتسيالار قىزمەتىندە پرەزيدەنتتىڭ وسى ساپارىن قورىتىندىلاۋعا ارنالعان ءباسپاسوز ءماسليحاتى ءوتتى.

قىتاي قازاقستاندى ستراتەگيالىق ارىپتەس دەپ سانايدى. پرەزيدەنتتىڭ ءباسپاسوز حاتشىسى بەرىك ءۋالي ءباسپا­سوز ءماسليحاتىندا وسىلاي دەدى.

– جالپى، قىتاي جوعارى تەحنولو­گيا­لىق ونىمدەر ءوندىرۋ بويىنشا جاھاندىق دەڭگەيدەگى كوشباسشى ەلدەردىڭ ءبىرى سانالادى. ونى مويىنداۋىمىز كەرەك. ونىڭ ۇستىنە الەمنىڭ ەكىنشى ەكونوميكاسى. وسىنداي الەۋەتى مىقتى كورشىمەن ارالاسپاي، شەكارانى جاۋىپ وتىرۋ مۇمكىن دە ەمەس. مۇنى بارشاڭىز جاقسى بىلەسىزدەر. سول سەبەپتى مىنانى ءتۇسىنۋىمىز كەرەك دەپ ويلايمىن. قىتاي بىزگە ءوزىنىڭ يدەولوگيالىق ساياساتىن جۇرگىزىپ وتىرعان جوق. باسقا دا قيتۇرقى ويىن جاساپ وتىرعان جوق، – دەدى ول.

پرەزيدەنتتىڭ ءباسپاسوز حاتشى­سى ايتىپ وتكەندەي، قازاقستان كور­شى ەلدىڭ جاڭا تەحنولوگيالارىن كۇندەلىكتى ومىر­دە پايدالانۋعا، يننو­ۆا­تسيالىق جاڭا­­­لىقتارىن ءوندىرىس ورىندارىنا ەن­گىز­ۋ­گە مۇددەلى.

ب.ءۋالي اتاپ وتكەندەي، مەملەكەت باسشى­­سىنىڭ تسيفرلى ەكونوميكاعا كوشۋ تۋرالى تاپسىرماسىن جۇزەگە اسىرۋ بارىسىن­دا قىتاي تاجىريبەسىنە سۇيەنۋ دە ماڭىزدى.

– قىتاي قازاقستاننىڭ جەرىنە ەشقا­شان دا كوز الارتىپ قارامايدى. بۇل ەل ءبىزدىڭ تەرريتوريالىق تۇتاستى­عى­­مىزدى تولىق مويىنداپ وتىر. قازاق­ستانعا تەك ستراتەگيالىق ارىپتەس رەتىندە قارايدى. نەگىزگى ماقساتى – ساۋدا جاساۋ. ساۋدا ارقىلى تابىس تابۋ. بۇل ولاردىڭ الەمنىڭ كەز كەلگەن تۇكپىرىندە ۇستاناتىن باستى مۇراتى، ماقساتى، – دەدى ول.

يندۋستريا جانە ينفرا­قۇرى­لىم­دىق دامۋ ءمينيسترى رومان سكليار قازاقستان قىتاي ارقىلى جىلىنا 2 ملن توننا كومىردى ەكسپورتقا شىعاراتىنىن جەتكىزدى.

– بۇل باعىتتاعى جۇمىستاردىڭ ءتيىمدى ەكەنىن كورىپ وتىرمىز. وسى تاجىريبەنى ودان ءارى جالعاستىرۋ جاڭا جىبەك جولىن نىعايتىپ، دامىتا تۇسۋگە ىقپال ەتەدى. ءبىز كولىك-لوگيستيكالىق قۋاتىمىزدى ودان ءارى  ارتتىرۋعا، ءسويتىپ ترانسپورتتىق الەۋەتىمىزدى تولىق پايدالانۋعا نيەت­تىمىز. بۇل ءوزارا ءتيىمدى تاۋار اينالىمىن ارتتىرۋعا مۇمكىندىك بەرەدى. بۇعان قوسا، مەملەكەت باسشىسىنىڭ وسى ساپارى اياسىندا جىلىنا 2 ملن تونناعا جۋىق كومىردى قىتايدىڭ ليانيۋنگان پورتى ارقىلى وڭتۇستىك-شىعىس ازيا ەلدەرىنە تاسىمالداۋ تۋرالى الدىن الا ۋاعدالاستىققا قول جەتكىزىلدى. پرەزي­دەنت­تىڭ مەملەكەتتىك ساپارى اياسىندا سونىمەن قاتار اۆياتسيالىق ىزدەۋ جانە ازاماتتىق كەمەلەردى قۇتقارۋ سالاسىنداعى ىنتىماقتاستىق تۋرالى وتە ماڭىزدى ۇكىمەتارالىق كەلىسىمگە قول قويىلدى، – دەدى مينيستر.

ر.سكليار قازاقستان مەن قىتاي­دىڭ تەرمينالداردى جانە كولىكتىك ينفرا­قۇرىلىمداردى بىرلەسىپ پايدالانۋىنىڭ الەۋەتى زور دەپ سانايدى. بۇل باعىتتاعى ءوزارا ىنتى­ماقتاستىق كونتەينەرلىك تاسىمالدىڭ كۇشەيە تۇسۋىنە سەپتىگىن تيگىزەدى.

– «قورعاس» تەرمينالىن كورشى ەلمەن بىرلەسىپ پايدالانۋداعى الەۋەتى وتە زور. 2004 جىلدان بەرگى ارالىقتا ەكى ەل اراسىنداعى تاسىمال كولەمى 15 ەسە ءوستى. 2004 جىلى بۇل كورسەتكىش 21 مىڭ كونتەينەر بولسا، 2018 جىلدىڭ قورىتىندىسى بويىنشا كورسەتكىش 310 مىڭ كونتەينەرگە جەتتى، – دەدى ر.سكليار.

ءباسپاسوز ءماسليحاتىندا پرەزيدەنت كو­مەكشىسى مۇرات نۇرتىلەۋوۆ مەم­لەكەت باسشىسى قاسىم-جومارت تو­قاەۆتىڭ قىتايعا ساپارىنىڭ ەرەك­شە­­­لىكتەرىن اتاپ بەردى.

– قازاقستان پرەزيدەنتى ق.توقاەۆ قىتاي حالىق رەسپۋبليكاسىنىڭ تور­اعاسى سي تسزينپين مىرزانىڭ شاقىرۋى بويىنشا 10-12 قىركۇيەكتە وسى ەلگە مەملەكەتتىك ساپار شەگىپ، ساپار بارىسىندا بىرقاتار ەكىجاقتى كەلىسسوزدەر وتكىزىپ قايتتى. مەن بۇل مەملەكەتتىك ساپاردىڭ ءۇش ەرەكشەلىگىن اتاپ وتكىم كەلەدى. بىرىنشىدەن، اتالعان ءىس-شارا مەملەكەت باسشىسىنىڭ پرەزيدەنتتىك سايلاۋدان كەيىنگى قى­تايعا العاشقى مەملەكەتتىك ساپارى بولدى. قىتاي تاراپى دا وعان ۇلكەن باعا بەرىپ وتىر. ولار ەكىجاقتى قارىم-قاتىناستارعا با­سىمدىق بەرىپ، ءوز تاراپىنان ءبىزدىڭ ەل­مەن ەتەنە جۇمىس ىستەۋگە، ەكىجاقتى ءتيىم­دى قارىم-قاتىناستى بىرگە دامىتۋعا، حالىق­تارىمىزدىڭ يگىلىگى ءۇشىن بىرلەسىپ جۇ­مىس ىستەۋگە دايىن ەكەنىن كورسەتتى، – دەدى ول.

مۇرات نۇرتىلەۋوۆتىڭ ايتۋىنشا، بۇل­ وقيعا نۇر-سۇلتان مەن بەيجىڭ اراسىنداعى قارىم-قاتىناستاردىڭ قازىرگى دەڭگەيى جانە ماڭىزىمەن قاتار ونىڭ بولاشاق تراەكتورياسىن ايقىنداۋ تۇرعىسىنان ەرەكشە باسىمدىققا يە. پرەزيدەنت قاسىم-جومارت كەمەل ۇلى توقاەۆ ەرتەدەن قالىپتاسقان ساباق­تاس­تىق­تى ساقتاي وتىرىپ، ءوزارا بايلانىس­تار مەن ىنتى­ماقتاستىقتى تىڭ بەلەسكە شىعا­رۋعا قازاقستان تاراپى مۇددەلى ەكەنىن مالىمدەدى. ايتا كەتۋ كەرەك، قىتاي تاراپى قازاقستانمەن اراداعى ساۋدا-ەكونوميكالىق قاتىناستاردى، كولىك-لوگيستيكالىق، وندىرىستىك، سونىمەن قاتار باسقا دا جاڭا باعىتتار بويىنشا جۇمىس ىستەۋگە دايىن ەكەندىگىن ءبىلدىردى.

م.نۇرتىلەۋوۆ دۇنيەجۇزىلىك سايا­سات پەن ەكونوميكاداعى اۋمالى-توكپەلى كەزەڭدە جاسالعانىن بۇل ساپاردىڭ ەكىنشى ەرەكشەلىگى دەپ باعالادى.

– ياعني، ەكى ەل اراسىنداعى قارىم-قاتىناس ستراتەگيالىق سيپاتقا تو­لىق ساي كەلەدى. وسىعان وراي ەكى ەلدىڭ ليدەرلەرى ايماقتىق جانە حا­لىقارالىق ماسەلەلەر توڭىرەگىندە ءوزارا پىكىر الماستى. ورتاق ۇستا­نىم­دارىن، سونداي-اق وزەكتى پروبلەمالار بويىنشا كوزقاراستارىن ءبىلدىردى، – دەدى پرەزيدەنت كومەكشىسى.

ول پرەزيدەنت ق.توقاەۆتىڭ ساپارى قىتايدىڭ 70 جىلدىق مەرەيتويى قارساڭىندا ۇيىمداستىرىلعانىنا دا نازار اۋدارىپ، وسى قادام ارقىلى قازاقستان قىتايمەن دوستاس حالىق ەكەنىن كورسەتتى دەگەن پايىم ءبىلدىردى.

– تاتۋ كورشى ەكەنىمىزدى كورسەتتىك. ءوزارا ءتيىم­دى ىقپالداستىقتى ءارى قاراي جان-جاقتى نىعايتا تۇسۋگە ءازىر ەكە­نىمىزدى بىلدىردىك، – دەدى م.نۇرتىلەۋوۆ.

قازاقستان پرەزيدەنتى قاسىم-جو­مارت توقاەۆتىڭ قىتاي حالىق رەسپۋب­ليكا­سىنا جاساعان مەملەكەتتىك ساپارى اياسىندا كوپتەگەن ماڭىزدى قۇجات­تارعا قول قويىلعانى تۋرالى دا ءباس­پا­سوز ءماسليحاتىندا ايتىلدى.

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار