15 قىركۇيەك، 2019

الماتى تۋرالى ۇزدىك ءاننىڭ اۆتورى مەن ورىنداۋشىسىن 500 000 تەڭگە جۇلدە كۇتىپ تۇر

22 رەت كورسەتىلدى

 

بۇگىن كۇندىزگى ساعات 16.00-دە  الماتىدا قالا كۇنى اياسىندا  MUSIQ ALA فەستيۆالى باستالادى.

بۇل دەرەكتى كەشە كەشكىسىن الماتى اكىمدىگىنىڭ ءباسپاسوز قىزمەتى حابارلادى.

فەستيۆالدىڭ باستى ماقساتى  - تالانتتارعا قولداۋ ءبىلدىرىپ، ولارعا ونەر مەن كورەرمەن جۇرەگىنەن ءوز ورىندارىن  تابۋعا كومەكتەسۋ. مۋزىكالىق توپتار نەمەسە جەكە انشىلەر فەستيۆالگە قاتىسۋ ءۇشىن سايتقا تىركەلىپ، ساحناعا شىعا الادى.

بايقاۋدا «ۇزدىك ورىنداۋشى» بولعانى ءۇشىن جۇلدەلى ورىندار قاراستىرىلعان:

  1 ورىن - 750 مىڭ تەڭگە;

  2 ورىن - 400 مىڭ تەڭگە;

  3 ورىن - 200 مىڭ تەڭگە;

«الماتى تۋرالى ۇزدىك ءان» سىياقىسى - 500 مىڭ تەڭگە.

فەستيۆالگە قاتىسۋشىلار سانى شەكتەۋلى. جەىمپازدى كورەرمەندەر شارانىڭ سايتىندا ونلاين داۋىس بەرۋ ارقىلى انىقتايدى. ونەر جولىنا ەندى عانا اياق باسقان جاس ونەرپازداردان بولەك فەستيۆالگە JCS توبى، الىشەر سۋلەيمەنوۆ، ولجاس بايقانوۆ، جاندوس ەستاي، جەڭىس نۇرعالي، گۇلنار كوشەنوۆا سەكىلدى بەلگىلى ونەر جۇلدىزدارى قاتىسادى.

الماتى اكىمدىگى ءباسپاسوز قىزمەتى تاراتقان دەرەكوزدە فەستيۆالدىڭ باستالۋ ۋاقىتى مەن وتەتىن جەرى  كۇندىزگى ساعات  ساعات 16:00-دە  پانفيلوۆ -قاراساي باتىر كوشەلەرىنىڭ قيىلىسىنداعى جاياۋ جۇرگىنشىلەر جولى دەپ كورسەتىلگەن.

 

 

الماتى

 

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار