كۇنىش احمەدوۆا 22 جىل قاتارىنان قالالىق, اۋداندىق, سونداي-اق الماتى وبلىستىق كەڭەستەرىنىڭ دەپۋتاتى, پارتيا كوميتەتىنىڭ بيۋرو مۇشەسى, «قۇرمەت بەلگىسى» وردەنىنىڭ يەگەرى.
مەدەۋ اۋدانى اكىمىنىڭ باسشىلىعى اۋدان اكىمى «ەكى عاسىردى توعىستىرعان» قاريا اناعا اق جاۋلىق پەن قازاقى شاپان جاۋىپ, قازىنالى قاريانىڭ كوڭىلىن الاتاۋدىڭ تورىنە قوندىردى. «حالىقتىڭ مۇددەسىن قورعاپ وتىرىڭدار, سولاردان العىس الىڭدار», دەدى 106 جاستاعى قارت انا كۇنىش حاسانقىزى.
ال مەدەۋ اۋدانىنىڭ اكىمدىگى وسىنداي «رۋحاني جاڭعىرۋ» باعدارلاماسىنا ساي, مەرەكەلىك ءىس-شارالار بارىسىندا اۋداننىڭ ەڭبەك سىڭىرگەن قاريالارىن ءاردايىم ەستەن شىعارماي, ۇلىقتاپ وتىراتىندارىن ايتتى.
«كەيۋانامىز 106-عا كەلگەن كۇنىش حاسانقىزىن قۇتتىقتاۋعا كەلىپ وتىرمىز. بۇگىن ەكى عاسىردىڭ وكىلدەرى جۇزدەسكەن تاريحي ءسات بولدى», دەدى مەدەۋ اۋدانى اكىمى اپپاراتىنىڭ مادەنيەت جانە تىلدەردى دامىتۋ ءبولىمىنىڭ باسشىسى ساكەن ارالباەۆ.
الماتى
