رۋحانيات • 13 قىركۇيەك، 2019

قازاقستاندىق مۋزىكانتتار تسينانداليدەگى كلاسسيكالىق مۋزىكا فەستيۆالىنە قاتىستى

126 رەت كورسەتىلدى

گرۋزيادا پوستكەڭەستىك كەڭىستىكتەگى ەڭ اۋقىمدى مۋزىكالىق فەستيۆالدەردىڭ ءبىرى – تسينانداليدەگى كلاسسيكالىق مۋزىكا فەستيۆالى  (Tsinandali Festival) 8 قىركۇيەكتەن بەرى جوعارى دەڭگەيدە ءوتىپ جاتىر. 15 كۇن بويى گرۋزيانىڭ ەڭ سۇلۋ ايماعى – كاحەتي وڭىرىندە ۇجىمدار مەن سولو ارتىستەرىنىڭ ورىنداۋىمەن 30-دان اسا وپەرالىق، وركەسترلىك جانە كامەرالىق مۋزىكا كونتسەرتتەرى جوسپارلانعان فەستيۆال 22 قىركۇيەككە دەيىن جالعاسادى.

تۇڭعىش مارتە وتكىزىلىپ وتىرعان بۇل فەستيۆالگە بۇكىل الەمنەن اتاقتى ورىنداۋشىلار، ديريجەرلەر، سازگەرلەر، مۋزىكالىق قايراتكەرلەر مەن سۋرەتشىلەر قاتىسۋدا. فەستيۆالدىڭ باستى ماقساتى – ەۋروپا مەن ازيا تۇيىسكەن وڭىردەگى مۋزىكا ءۇنىن الەمگە ەستىرتۋ. تسينانداليدەگى فەستيۆالگە ارناپ 900 قوناقتى سىيدىرا الاتىن ارنايى مۋزىكالىق زال، 60 بولمەلى قوناق ءۇي، اشىق امفيتەاتر، كىتاپحانا جانە بۇكىل ءتيىستى ينفراقۇرىلىم سالىندى.  سونداي-اق، جوبا اياسىندا تسينانداليدە حالىقارالىق مۋزىكا اكادەمياسى قۇرىلىپ، ونىڭ جانىندا 60 ادامنان تۇراتىن جاستار وركەسترى جاساقتالدى.

پان-كاۆكاز  وركەسترى ونەر مەيرامىنىڭ شىمىلدىعىن گۋستاۆ مالەردىڭ ەكىنشى سيمفونياسىمەن اشتى. بەس بولىمنەن تۇراتىن بۇل بەلگىلى تۋىندىنىڭ ەكىنشى سوڭعى بولىمىندە الەمدىك جۇلدىزدار – وپەرا سوپرانوسى ينگ فانگ (قىتاي) جانە مەتستسو-سوپرانو كەتەۆان كەموكليدزە (گرۋزيا) گرۋزيالىق حوردىڭ سۇيەمەلدەۋىمەن ورىنداپ شىقتى.

سونداي-اق، فەستيۆالدە ۆيولونچەليست ميشا مايسكي (يزرايل)، پيانيستەر ۆان يۋيتسزيا (قىتاي)، يان ليسەتسكي (كانادا)، دەنيس كوجۋحين (رەسەي)، تاعى  باسقا اتاقتى مۋزىكانتتار ونەر كورسەتپەك.

«Kusto Group» باسقارما توراعاسى ەركىن تاتىشەۆتىڭ جانە اتاقتى سازگەر ەركەش شاكەەۆتىڭ ۇسىنىسىمەن تسيناندالي فەستيۆالى پان-كاۆكاز جاستار وركەسترىنىڭ (PCYO) قۇرامىنا قازاقستاننان ون ءتورت جاس مۋزىكانت كىردى. بۇل جەتەكشى شىعارماشىلىق ۇجىم قازاقستان، ۋكراينا، تۇركيا جانە كاۆكاز ەلدەرىنەن قاتىسىپ جاتقان تالانتتى جاس مۋزىكانتتار ءۇشىن تاجىريبە الاڭىنا اينالدى. فەستيۆالگە قازاقستان اتىنان قاتىسىپ جاتقان مۋزىكانتتار 2019 جىلدىڭ 30 ناۋرىزىندا الماتىدا وتكەن تىڭداۋ بايقاۋىندا ىرىكتەلىپ الىندى.

 «Kusto Group» باسقارما توراعاسى ەركىن تاتىشەۆ بىلاي دەپ اتاپ ءوتتى: «مەن گرۋزيانىڭ بۇل بولىگىندە 15 جىل بۇرىن بولىپ، بىردەن ءتسينانداليدى ءسۇيىپ كەتتىم. سول كەزدە ءوزىمنىڭ سەرىكتەسىم گەورگي راميشۆيليمەن بىرگە ءبىز چاۆچاۆادزە مۇراجاي ءۇيىن جانە اينالاداعى ۋسادبانى قالپىنا كەلتىرۋ تۋرالى شەشىم قابىلدادىق. تسيناندالي فەستيۆالىن وتكىزۋ تۋرالى يدەيا تۋىنداعان كەزدە ءبىز بىردەن جاس مۋزىكانتتارىمىزعا ەڭ ۇزدىك كاسىبي ماماندارمەن – وپەرا جانە كلاسسيكالىق مۋزىكا جۇلدىزدارىمەن جۇمىس جاساۋعا مۇمكىندىك بەرىپ، جاس تالانتتاردى قولداۋىمىز كەرەك دەپ شەشتىك. فەستيۆالگە اقش ۇلتتىق سيمفونيالىق وركەسترى جانە تسيۋريح وپەرا تەاترىنىڭ مۋزىكالىق ديرەكتورى، لوندون جانە يزرايل سيمفونيالىق وركەسترىنە شاقىرىلعان باس ديريجەر دجاناندرەا نوزەدانىڭ قازىلىق جاساپ جاتقانى دا اسا ماڭىزدى. ءبىزدىڭ جاستارىمىز تسينانداليدە 16 تامىزدان بەرى ءجۇر جانە ولار كۇنىنە 6-8 ساعاتتان دايىندالادى. مۇنداي ساپار ءومىر بويى ەستە قالىپ، جاڭا كاسىبي جانە شىعارماشىلىق دەڭگەيگە شىعۋعا مۇمكىندىك بەرەتىن اسا ماڭىزدى باسپالداققا اينالاتىنىنا سەنىمدىمىن».

فەستيۆالدىڭ باس ديرەكتورى، رەجيسسەر داۆيد ساكۆارەليدزە: «وركەسترگە قاتىسۋعا ءۇمىت بىلدىرگەن جاستاردى تىڭداۋ بايقاۋىنان وتكىزگەن ءبىز، كوميسسيا مۇشەلەرى، قازاقستان مۋزىكانتتارىنىڭ دەڭگەيى اسا جوعارى بولاتىنىن الدىن الا بىلدىك. قازاقستاننان قاتىساتىن مۋزىكانتتار سانىنىڭ كوپ بولاتىنى دا بەلگىلى ەدى. ناتيجەسىندە وركەستر قۇرامىنا ەنگەن 14 ادام وزدەرىن تاماشا قىرىنان كورسەتە ءبىلدى. وركەستردە ونەر كورسەتەتىن مۋزىكانتتار ءۇشىن ەرەكشە مىنەز، يكەمدىلىك جانە وزگەرىسكە قۇشتارلىق، ەموتسيالىق تۇراقتىلىق، ەڭ باستىسى، ۇجىمدا جۇمىس جاساي ءبىلۋ اسا ماڭىزدى. مەن قازاقستاندىقتاردى مۋزىكا اياسىندا بۇرىننان باقىلاپ كەلەمىن، ولاردىڭ بويىنداعى بۇل بيىك ساپانى الدەبىر گەنەتيكالىق كودتىڭ ناتيجەسى دەپ باعالار ەدىم. تالانت داستۇردەن باستاۋ الادى، سوندىقتان ونى دامىتۋعا قارجى سالۋ قاجەت. ۋاقىت وتە كەلە، كاسىبي شەبەرلىگى ولاردى الەمگە تانىمال ەتەتىنىنە سەنەمىن».

ەركەش شاكەەۆ، قازاقستاندىق سازگەر ءارى اقىن: «فەستيۆال وتە تاماشا اسەر قالدىردى. وسىنداي جايلى ورتانىڭ قالىپتاسۋىنىڭ ءبىر سىرى گرۋزيا جەرى مەن ونىڭ قوناقجاي حالقىنىڭ كەڭ پەيىلىندە جاتىر. ءبىزدىڭ ەلدىڭ جوعارى دەڭگەيدە ونەر كورسەتتى. بۇل جايىندا ماەسترو دجاناندرەا نوزەدا جانە فەستيۆال ديرەكتورى داۆيد ساكۆارەليدزەنىڭ ءوزى ايتىپ وتىر. تسينانداليدەگى اۋقىمدى فەستيۆالگە تەك ساتتىلىك پەن وركەندەۋدى عانا تىلەيمىن!»

 

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار