ساياسات • 12 قىركۇيەك، 2019

قازاقستان ەلشىسى بەلارۋس رەسپۋبليكاسىنىڭ پرەزيدەنتىنە سەنىم گراموتالارىن تابىس ەتتى

91 رەتكورسەتىلدى

«تاۋەلسىزدىك» پرەزيدەنتتىك سارايىندا قازاقستان رەسپۋبليكاسىنىڭ ەلشىسى اسقار بەيسەنباەۆتىڭ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكوعا سەنىم گراموتالارىن تاپسىرۋ سالتاناتى ءوتتى. بۇل تۋرالى ءسىم ءباسپاسوز قىزمەتى حابارلادى. 

رەسمي قابىلداۋ بارىسىندا بەلورۋس مەملەكەتىنىڭ باسشىسى ەلشىنى ديپلوماتيالىق ميسسياسىنىڭ باستالۋىمەن قۇتتىقتاپ، قازاقستاننىڭ تۇراقتى دامۋىنا جوعارى باعا بەردى جانە پرەزيدەنت قاسىم-جومارت توقاەۆتىڭ مەملەكەتتەگى جاڭا ساياسي باستامالارىنا تابىس تىلەدى.

ءوز كەزەگىندە ا. بەيسەنباەۆ كوپتەگەن جىلدارى قالىپتاسقان قارىم-قاتىناستار ستراتەگيالىق مازمۇنعا يە بولعانىن اتاي كەلە، ەلشىلىك ەكى مەملەكەت ليدەرلەرى بەلگىلەگەن ەكىجاقتى ارەكەتتەستىكتىڭ بارلىق سپەكتىرىندەگى ىنتىماقتاستىقتى كۇشەيتۋگە قاتىستى مىندەتتەردى ورىنداۋعا بار كۇش-جىگەرىن سالاتىنى تۋرالى سەندىردى.

قازاقستاندىق ديپلومات بەلارۋس پرەزيدەنتىن ءبىزدىڭ مەملەكەت باسشىسىنىڭ باستاماسىمەن جۇزەگە اسىرىلىپ جاتقان قازاقستان پرەزيدەنتى ق.توقاەۆتىڭ ءبىرىنشى جولداۋىنداعى ەكونوميكانى مودەرنيزاتسيالاۋ، الەۋمەتتىك سالانى جەتىلدىرۋ جانە ودان ءارى دەموكراتيالاندىرۋ شارالارى تۋرالى حاباردار ەتتى.

كەزدەسۋ سوڭىندا ا.لۋكاشەنكو قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن پرەزيدەنت ق.توقاەۆقا ىزگى ءىلتيپاتىن ءبىلدىرىپ، ەلشىگە قازاقستاندىق-بەلورۋستىق ىنتىماقتاستىقتى كۇشەيتۋ جولىنداعى قىزمەتىنە تابىستار وڭ ناتيجەلەر تىلەدى.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار