قۇجاتتاردى قابىلداۋ ءۇشىن اۆتوماتتاندىرىلعان ونلاين-پلاتفورما ىسكە قوسىلدى. ونلاين-پلاتفورمانى قولدانۋ جەڭىل ءارى وتە ىڭعايلى. جوباعا تىركەلۋ ءتارتىبى بارىنشا جەڭىلدەتىلگەن. ۇمىتكەرگە مىندەتتى تۇردە ءوزىنىڭ جەكە مالىمەتتەرىن, اتى-ءجونىن, تەگىن, جسن, ىرىكتەۋ كەزەڭدەرىنەن وتۋگە قولايلى ءتىلدى تاڭداپ ءوزىنىڭ ۇيالى تەلەفونى مەن ەلەكتروندى پوشتاسىن كورسەتۋ قاجەت.
سونىمەن قاتار اقپاراتتاردى وڭدەپ ساقتاۋ تۋرالى كەلىسىممەن تانىسىپ, ءتيىستى تالاپتاردى قابىلداۋى كەرەك. تالاپتاردى قابىلدامايىنشا ۇمىتكەر پرەزيدەنتتىك جاستار كادر رەزەرۆىنە قاتىسا المايدى.
پرەزيدەنتتىك جاستار كادرلىق رەزەرۆىنە قاتىسۋ ءۇشىن ۇمىتكەرلەرگە بار بولعانى PKRezerv.kz سايتىنا تىركەلۋ قاجەت.
وسىعان دەيىن جوباعا ۇمىتكەرلەردى تىركەۋ ءبىرىنشى قىركۇيەكتە باستالاتىنى ءمالىم بولعان ەدى.
