سپيكەرلەردىڭ ايتۋىنشا قۇقىق بۇزۋشىلىقتىڭ الدىن الۋ ماقساتىندا ءبىلىم بەرۋ ۇيىمدارىنا «مەكتەپ» پوليتسيا ينسپەكتورلارىن بەكىتۋ بويىنشا جۇمىس جۇرگىزىلگەن. ولاردىڭ شتاتتىق سانى 2 مىڭنان اسقان. بۇگىندە «مەكتەپ» پوليتسەيلەرى وقۋشىلار مەن ولاردىڭ اتا-انالارىمەن قۇقىق ءتۇسىندىرۋ جۇمىستارىن جۇرگىزىپ, مورالدىق احۋالدى زەرتتەپ, كامەلەتكە تولماعاندار اراسىنداعى جانجالداردى وقشاۋلاۋ بويىنشا شارالار قابىلدايدى.
مەكتەپ يننسپەكتورلارى جىل سايىن وقۋدان قاشقان, اتا-انالارى ولارعا ءتيىستى تاربيە مەن وقىتۋدى قامتاماسىز ەتپەيتىن 1,5 مىڭنان استام ءجاسوسپىرىمدى انىقتاعان. ناتيجەسىندە, سوڭعى التى جىلدا جاسوسپىرىمدەر قىلمىسىنىڭ جىل سايىن ورتاشا ەسەپپەن 6 % - عا تومەندەگەن.
«ەگەر 2013 جىلى كامەلەتكە تولماعاندار 4 275 قىلمىس جاساسا, 2018 جىلى بۇل كورسەتكىش ۇشتەن بىرگە, 2 939 قىلمىسقا دەيىن تومەندەدى. بيىلعى جىلدىڭ 8 ايىنىڭ قورىتىندىسى بويىنشا جاسوسپىرىمدەر جاساعان قۇقىق بۇزۋشىلىقتار 9 %-دى قۇرادى, ونىڭ ىشىندە وقۋشىلار 2 %-عا ازايدى»,- دەدى ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ.
