ۆەدومستۆو باسشىسى اعىمداعى جىلعى مامىردا 2025 جىلعا دەيىن مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى جاڭا ۇلتتىق جوسپار قابىلدانعانىن ەسكە سالدى.
ء«بىزدىڭ بۇگىنگى باستى مىندەتىمىز – بارلىق دەڭگەيدەگى ۇلتتىق جوسپاردىڭ شارالارىن ساپالى ىسكە اسىرۋ, مۇگەدەكتىگى بار ادامداردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ. ولاردىڭ ءومىر ءسۇرۋ ساپاسىن ارتتىرۋدى, تاۋەلسىزدىككە قول جەتكىزۋدى, الەۋمەتتىك, كاسىبي قابىلەتتەرىن ساقتاۋدى جانە ءومىردىڭ بارلىق اسپەكتىلەرىنە قوسۋدى قامتاماسىز ەتۋ قاجەت», دەدى ب.نۇرىمبەتوۆ.
بۇل رەتتە مينيستر ءبىرىنشى جارتىجىلدىقتىڭ قورىتىندىسى بويىنشا تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتىلۋى ءتيىس مۇقتاجداردىڭ جالپى سانى 421,1 مىڭ مۇگەدەك بولعاندا, بارلىعى 34,8%-دى قۇرايتىنىن اتاپ ءوتتى.
«قامتاماسىز ەتۋدىڭ ەڭ تومەن كورسەتكىشتەرى شىمكەنت قالاسىندا بار-جوعى 13%; سولتۇستىك قازاقستان وبلىسىندا شامامەن 24%; قاراعاندى وبلىسىندا – 26%; قوستاناي وبلىسىندا – 28%. مۇگەدەكتىگى بار ادامداردى الەۋمەتتەندىرۋ دەڭگەيىن ارتتىرۋ, تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ ءۇشىن 2020-2022 جىلدارعا رەسپۋبليكالىق بيۋدجەتتەن 58,1 ملرد تەڭگە ءبولىندى. جەرگىلىكتى اتقارۋشى ورگاندار وڭالتۋدىڭ تەحنيكالىق قۇرالدارىمەن (بۇدان ءارى – وتق) قامتاماسىز ەتۋ بويىنشا بيۋدجەت قاراجاتىن ءتيىمدى جوسپارلاۋدى جانە يگەرۋدى قامتاماسىز ەتۋدى, وڭالتۋدىڭ جەكە باعدارلامالارىنىڭ ورىندالۋى بويىنشا باقىلاۋدى كۇشەيتۋى قاجەت. ءبىز مۇگەدەكتىگى بار ادامداردىڭ قۇقىقتارىنا قىسىم جاساۋعا جول بەرمەۋىمىز قاجەت, ولاردى قوعام ومىرىنە تولىق ينتەگراتسيالاۋ ءۇشىن قاجەتتى قۇرالدارمەن جانە وڭالتۋ قىزمەتتەرىمەن قامتاماسىز ەتۋ مىندەتىن شەشۋىمىز قاجەت. مينيسترلىك وسى ماسەلە بويىنشا وڭىرلەردىڭ ەسەپتەرىن تۇراقتى نەگىزدە تىڭدايتىن بولادى» دەپ اتاپ ءوتتى ب.نۇرىمبەتوۆ.
قاجەتتى قۇرالدارمەن قامتاماسىز ەتۋدى جاقسارتۋ ءۇشىن بۇگىندە الەۋمەتتىك قىزمەتتەر پورتالىن كەزەڭ-كەزەڭىمەن ەنگىزۋ جۇرگىزىلۋدە. بۇل اقتوبە قالاسىندا ىسكە قوسىلىپ, وعان 3 مەديتسينالىق-الەۋمەتتىك مەكەمە قوسىلدى. سونىڭ ناتيجەلەرى بويىنشا پورتالدى باسقا وڭىرلەردە كەزەڭ-كەزەڭىمەن ەنگىزۋدى جوسپارلاپ وتىر. بۇل 2021 جىلعا قاراي تەحنيكالىق قۇرالدارمەن قامتاماسىز ەتۋدى 70%-عا دەيىن ارتتىرۋعا مۇمكىندىك بەرەدى.
سونداي-اق اسىرەسە اۋىلدىق جەرلەردە وڭالتۋ ورتالىقتارىنىڭ جەتىسپەۋشىلىگىن اتاپ وتكىم كەلەدى. بۇگىندە 11 وڭىردە (اتىراۋ, شىعىس قازاقستان, جامبىل, قاراعاندى, قوستاناي, قىزىلوردا, ماڭعىستاۋ, سولتۇستىك قازاقستان, پاۆلودار, تۇركىستان وبلىستارى جانە الماتى قالاسى) قارتتار مەن مۇگەدەكتەرگە ارنالعان 25 وڭالتۋ ورتالىعى جۇمىس ىستەيدى, ونىڭ ىشىندە 14-ءى مۇگەدەك بالالارعا ارنالعان. 6 وڭىردە وڭالتۋ ورتالىقتارى جوق (اقمولا, اقتوبە, الماتى, باتىس قازاقستان وبلىستارى جانە نۇر-سۇلتان, شىمكەنت قالالارى). وسى وڭىرلەردە تۇراتىن مۇگەدەكتەر الەۋمەتتىك وڭالتۋدىڭ ءتيىستى شارالارىن الا المايدى. مۇگەدەكتىگى بار ادامداردى وڭالتۋ قىزمەتتەرىمەن قامتۋ, قوعامعا الەۋمەتتەندىرۋ ماقساتىندا وڭىرلەرگە ولاردىڭ تىكەلەي تۇراتىن جەرلەرىنە مۇمكىندىگىنشە جاقىن جەرلەردە مۇگەدەكتەر ءۇشىن قولجەتىمدىلىگىن ەسكەرە وتىرىپ, وڭالتۋ ورتالىقتارىن سالۋدى جوسپارلاۋ قاجەت» دەدى مينيستر. سونداي-اق قولدانىستاعى وڭالتۋ ورتالىقتارىن زاماناۋي جابدىقپەن قامتاماسىز ەتۋ قاجەتتىگىن قوسا ايتتى.
