ايماقتىڭ بيزنەس-حابىنا اينالادى

مەملەكەت باسشىسى العا قويعان مىندەتتەردىڭ دالەلى رەتىندە الماتى قالاسىنىڭ اكىمى باقىتجان ساعىنتاەۆ كاسىپ­كەرلەردىڭ ءداستۇرلى V كونفەرەنتسياسى بارىسىندا قالا قورجىنىنا تۇسەتىن سالىقتىڭ 60 پايىزدان استامى شاعىن جانە ورتا بيزنەسكە تيەسىلى ەكەن­دىگىن جەتكىزىپ, وڭىرلىك بيز­نەستى دامىتۋعا ارنالعان «Almaty Business-2025» بىر­ىڭ­عاي باعدارلاماسىنىڭ ازىر­لەن­گەنىن جەتكىزدى.

ەكونوميكالىق بەلسەندى اي­ماق سانالاتىن الماتىنى دامى­تۋ اياسىندا قالا باسشىلىعى تاراپىنان قازىرگى كەزەڭدە وسى باعدارلاما بويىنشا بەس با­عىت­تا جۇمىستار اتقارىلا باس­تا­دى. ياعني, كەدەرگىلەردى جويۋ, بيزنەستى قارجىلاندىرۋدى ارت­­تىرۋ, ينفراقۇرىلىمدى دا­مىتۋ جانە ينۆەستيتسيالىق جو­بالاردى قولداۋعا بايلانىس­تى كەشەندى شارالار جۇزەگە اسۋدا. ال «Qoldau» كاسىپكەرلىك ورتالىعىنىڭ قالانىڭ التى اۋدانىندا بولىمشەلەرى اشىلىپ, وندا ءبىر تەرەزە قاعيداتى بويىنشا كاسىپكەرلىك كەڭەستەر بەرىلۋدە. وڭتۇستىك استانادا تىركەلگەن 180 مىڭنان استام كاسىپورىن وكىلدەرى وسى كونفەرەنتسيادا وزدەرىن تولعاندىرعان ۇلكەندى-كىشىلى ماسەلەلەرگە وراي «اتامەكەن» ۇكپ مەن قالا باسشىلىعىنا ۇسىنىستارىن جەتكىزدى.

كاسىپكەرلىككە قولداۋ كور­سە­تۋ مەن دامىتۋ — اكىمدىك جۇ­­مىس^­ىنىڭ ستراتەگيالىق باسىم باعىتتارىنىڭ ءبىرى ەكەن­دىگىنە توقتالعان قالا اكىمى «Almaty Business-2025» بىرىڭ­عاي باعدارلاماسى الماتىنى ورتالىق ازيانىڭ بيزنەس-حابىنا اينالدىرۋعا ءارى كاسىپ­كەر­لىكتى تىكە­لەي قولداۋ مەن دا­­مىتۋعا نە­گىز­دەلگەنىن جەت­كىز­دى. ب.ساعىن­تاەۆ سو­نىمەن قا­تار ال­ەۋ­مەتتىك سالاعا دا ەرەك­شە نا­زار اۋدارىلاتىنىن اتاپ ءوتىپ, مەديتسينا, ءبىلىم, ءىت تەح­نولوگيا جانە تۋريزم سالا­لا­­رىنداعى بيزنەسكە قولداۋ ساراپ­تامالى-باعدارلى كلاستەر قۇ­رۋعا مۇمكىندىك بەرەتىنىنە توق­تالدى. الداعى ۋاقىتتا قالا باسشىلىعى «اتامەكەن» ۇكپ-مەن بىرلەسىپ «شيكىزات-ءوندىرىس-وتكىزۋ» ءتارتىبى نەگىزىندە جوبالاردى جۇزەگە اسىرا باستايدى. بۇل قالانىڭ بيزنەس-احۋالىن تۇبەگەيلى وزگەرتۋگە مۇمكىندىك بەرەدى.

«اتامەكەن» ۇلتتىق كاسىپ­كەر­لەر پالاتاسىنىڭ تورالقا توراعاسى تيمۋر ق ۇلىباەۆ كاسىپ­­كەر­لەردى قولداۋ ماسە­لە­سىندە «اتامەكەن» اكىم­دىك­پەن بىرلەسە جۇمىس ىستەپ, پروب­لە­ما­لىق كرەديتتەر قورىندا جات­قان جەر تەلىمدەرىن الەۋمەتتىك-كاسىپكەرلىك كورپوراتسيا بالانسىنا بەرۋ جونىندە ۇكىمەتكە ءوتىنىم جاساۋعا دايىن ەكەندىگىن جەت­كىز­دى. ال بوس جەرلەردى قان­داي قاجەتتىلىكتەرگە الۋعا بولاتىنىن انىقتاۋ ءۇشىن باس جوسپاردىڭ دەرەكتەرىن نەگىزگە الا وتىرىپ, سونداي-اق قالانىڭ الەۋمەتتىك دامۋىنا قاجەتتى جەر تەلىمدەرىن بەلگىلەپ, قال­عا­نىن بيزنەس قاجەتتىلىك ءۇشىن اۋكتسيونعا شىعارۋ ماسەلەسىن, بانكتەردە كەپىلدىكتە جاتقان جەرلەردى قولدانۋدىڭ قۇقىق­تىق مەحانيزمدەرىن جاساۋ قاجەت­تىلىگىنە توقتالدى. بۇگىندە قالا­دا جەر تەلىمدەرى بويىنشا اقپا­راتتى تسيفرلاندىرۋ تولىق اياقتالعان.

الماتىداعى ىسكەرلىك احۋال­دى جاقسارتۋ مەن اشىق­تى­عىن قامتاماسىز ەتۋدە بوس جەر تە­­لىمدەرى, ينجەنەرلىك جەلىلەر­دىڭ قۋاتى جانە ولارعا قو­س­ىلۋ مۇمكىندىگى تۋرالى ەلەك­^­تروندى اقپاراتتار كاسىپ­كەر­­گە ونلاين رەجىمدە قول­جە­­­تىمدى بولۋى قاجەت دەگەن ت.ق ۇلىباەۆ تۇراقتى ەمەس ساۋ­دا نىساندارىنىڭ ماسە­لە­­سىن دە قوزعاپ ءوتتى. ال ونى شە­شۋ­­دىڭ تەتىكتەرىن نۇر-سۇل­تان قالاسىندا جۇزەگە اسقان «1000 ساۋدا ورنى» جوباسىنىڭ تاجى­ري­بەسى نەگىزىندە قاراس­تى­رۋ­دى ۇسىن­دى.

كونفەرەنتسيادا قالا اكى­مىنىڭ ورىنباسارى ساپار­بەك تۇياقباەۆ «Al­ma­ty Business-2025» ايماق­تىق باع­­دارلاماسىن تا­نىس­تىر­­­­دى. سونداي-اق قالا ما­ڭىن­­دا ورنالاسقان بارلىق كا­­­سىپ­­­كەرلىك نىسانداردى قو­ل­­داۋعا باعىتتالعان كە­شەن­­­دى باعدارلاما اياسىندا «Qoldau» ورتالىعى جانە جاس كا­سىپ­كەر­لەرگە ارنالعان «Bas­tau» جوباسىنىڭ قولعا الىن­عان­دى­عىن جەتكىزدى. سونى­مەن قاتار س.تۇياقباەۆ ء«بىر تەرەزە» نەگىزىندە جۇمىس ىستەيتىن «Qoldau» ورتالىعىندا بيزنەسكە قاتىستى بارلىق ۇيىمداردىڭ جانە دە جەر ۋچاسكەلەرىن تىر­كەۋ مەكەمەلەرىنىڭ دە ورنالاسا­تىنىنا توقتالدى. «ال جاس كا­­سىپكەرلەرگە ارنالعان «Bas­tau» باعدارلاماسى «اتا­مە­كەن» كاسىپكەرلەر پالاتاسى ارقى­لى جۇزەگە اسادى. ەلۋ شاق­تى كەڭسەدە تاجىريبەلى كاسىپ­كەرلەر بيزنەسكە كەلگەن جاس­تار­عا ءدارىس وقيتىن بولادى. باعدارلاما اياسىندا قىسقا مەر­زىمدى وقىتۋعا بۇگىندە 4 مىڭ­نان اسا ادام جىبەرىلگەن. ال «Almaty Business-2025» ايماق­تىق باعدارلاماسى اياسىندا اعىم­داعى جىلى 9 مىڭنان استام ما­مان وقىتىلسا, 2020 جىلعا قا­راي 30 مىڭنان جوعارى جۇمىس ورنىن اشۋ كوزدەلىپ وتىر.

الماتى