قازاقستان • 11 قىركۇيەك، 2019

«ەگەمەن»-دە جاريالانعان ماقالا بويىنشا دەپۋتاتتىق ساۋال جولداندى

241 رەتكورسەتىلدى

پارلامەنت ءماجىلىسىنىڭ دەپۋتاتى، Nur Otan فراكسياسىنىڭ مۇشەسى باقىتبەك سماعۇل نۇر-سۇلتان قالاسىنداعى كورنەكتى كوشەلەردىڭ بىرىنە جوشى حان ەسىمىن بەرۋدى ۇسىندى.

باقىتبەك سماعۇل پرەزيدەنت قاسىم-جومارت توقاەۆتىڭ قازاقستان حالقىنا جولداۋىندا ايتىلعان ەكوتۋريزم مەن ەتنوتۋريزمدى دامىتۋعا ەكونوميكانىڭ ماڭىزدى سالاسى رەتىندە باسا ءمان بەرۋ تۋرالى مىندەت قويعانىن تىلەك تيەك ەتىپ، قوعام وكىلدەرى مەن جۋرناليستەر تاراپىنان جوشى حان ەسىمىن ۇلىقتاۋ جونىندە ماسەلە كوتەرىلىپ جاتقانىن ايتتى. ول ەلەۋلىلەردىڭ ءبىرى رەتىندە «؛Egemen Qazaqstan»؛ رەسپۋبليكالىق گازەتىندە جاريالانعان دارحان ءقىدىرالىنىڭ «؛ۇلىق ۇلىستىڭ اتاسى»؛ ماقالاسىن اتاپ ءوتتى.

«؛2015 جىلى قازاقستاندا ەلباسىنىڭ باستاماسى بويىنشا قازاق حاندىعىنىڭ 550 جىلدىعى كەڭ اۋقىمدا اتاپ ءوتىلدى. بۇل &ndash؛ قازاق مەملەكەتتىلىگىنىڭ باستاۋى بولسا، ال جوشى ۇلىسى مەن التىن وردا &ndash؛ قازاق ۇلتىنىڭ قالىپتاسۋىندا شەشۋشى ءرول اتقاردى. قازاق حاندارىنىڭ ۇلى اتاسى سانالاتىن جوشى حانعا جانە ۇلىق ۇلىسىمىز بولىپ ەسەپتەلەتىن التىن ورداعا لايىقتى قۇرمەت كورسەتۋ &ndash؛ ءبىزدىڭ قاسيەتتى پارىزىمىز»؛ دەدى باقىتبەك سماعۇل.

بۇدان سوڭ دەپۋتات ۇكىمەت باسشىسى اسقار مامينگە نۇر-سۇلتان قالاسىنداعى كورنەكتى كوشەلەردىڭ بىرىنە جوشى حان ەسىمىن بەرۋدى جانە ول كوشە بويىنا ۇلىق ۇلىس حانىنىڭ ەڭسەلى ەسكەرتكىشىن ورناتۋدى، سونداي-اق، جەزقازعاننىڭ سولتۇستىك-شىعىسىندا 50 شاقىرىمداي جەردەگى جوشى حان كەسەنەسى جانىنان ەسكەرتكىش-بەلگى تۇرعىزۋدى ۇسىندى.

«؛جەزقازعاننىڭ سولتۇستىك-شىعىسىندا 50 شاقىرىمداي جەردەگى جوشى حان كەسەنەسى &ndash؛ شىڭعىس حان مەن ونىڭ اۋلەتىنەن جەر بەتىندە قالعان جالعىز بەلگى. سوندىقتان ونىڭ جانىنان بۇل مازاردىڭ دۇنيەجۇزى تاريحىن وزگەرتكەن دارا تۇلعاعا تيەسىلى ەكەنىن الىستان ايگىلەپ تۇرار ايبىندى ەسكەرتكىش-بەلگى تۇرعىزۋ ماڭىزدى. شىڭعىس حاننىڭ ۇلكەن ۇلىنا ارنالعان تاريحي كەشەن تەك شىعىس ەلدەرى ءۇشىن عانا ەمەس، سونداي-اق بۇكىل الەمدەگى ساياحاتشىلار مەن زەرتتەۋشىلەر ءۇشىن زور قىزىعۋشىلىق تۋدىرىپ، تۋريستىك تارتىمدى ورىنعا اينالارى ءسوزسىز»؛ دەدى ول.

بۇدان ءارى دەپۋتات التىن وردانىڭ 750 جىلدىعى اياسىندا جوشى حان، الاشا حان كەسەنەلەرىنە كەشەندى تۇردە ارحەولوگيالىق، ەتنوگرافيالىق زەرتتەۋ جۇمىستارىن جۇرگىزۋدى، وتاندىق جانە شەتەلدىك بىلگىر عالىمداردىڭ قاتىسۋىمەن بىرلەسكەن ەكسپەديسيالار مەن حالىقارالىق كونفەرەنسيالار ۇيىمداستىرۋدى جانە زەرتتەۋ جۇمىستارىن ءارتۇرلى تىلدەردە شەتەلدىك اقپارات قۇرالدارىندا جاريالاۋدى ۇسىندى. ونىڭ ايتۋىنشا، ۇلى دالا ەلىنىڭ قويناۋىندا تۇنعان ادامزات قۇپياسىن جاھانعا ناسيحاتتاۋ ارقىلى قازاقستاننىڭ الەمدەگى بەدەل-يميدجى نىعايادى.

سونىمەن قاتار باقىتبەك سماعۇل جوشى حان كەسەنەسىن كەلەشەكتە يۋنەسكو-نىڭ «؛دۇنيەجۇزىلىك مادەني مۇرا تىزىمىنە»؛ ەنگىزۋ كەرەك ەكەنىن ايتتى.

«؛حىىى عاسىردىڭ ەسكەرتكىشى جانە پلانەتامىزداعى شىڭعىس حان اۋلەتىنەن قالعان جالعىز بەلگى رەتىندە جوشى حان كەسەنەسىن كەلەشەكتە يۋنەسكو-نىڭ «؛دۇنيەجۇزىلىك مادەني مۇرا تىزىمىنە»؛ ەنگىزۋ جولدارىن قاراستىرعان ءجون. سەبەبى، حالىقارالىق بەدەلدى تۋريستىك وپەراتورلار، جەكە ساياحاتشىلار ساپارىن جوسپارلاعاندا، كوبىنە يۋنەسكو تىزىمىنە ەنگەن ەسكەرتكىشتەرگە قاراپ، باعىت-باعدار تۇزەدى. قازاق حاندارىنىڭ ۇلىق باباسى جوشى حاندى ۇلىقتاۋ &ndash؛ حالقىمىزدىڭ ۇلت رۋحىنىڭ ۇلى باستاۋلارىنان قۋات الۋىنا جول سالۋ دەگەن ءسوز»؛ دەدى ول.

باننەر
سوڭعى جاڭالىقتار

سەكتوردى ساقاداي ساي قىلدى

ايماقتار • بۇگىن، 11:31

سانى مەن ساپاسى ساي

ايماقتار • بۇگىن، 09:33

اجەنىڭ ارقاسى

قوعام • بۇگىن، 08:39

ۇلاعاتتى ءومىر يەسى

ايماقتار • بۇگىن، 08:37

بىرىنشى راۋندتا-اق سۇلاتىپ سالدى

كاسىپقوي بوكس • بۇگىن، 08:36

ساڭلاقتار اتوي سالادى

قازاقستان • بۇگىن، 08:33

ادىلىم-اي، ادەكەم-اۋ!..

رۋحانيات • بۇگىن، 08:12

ادىلدىكتىڭ ءادىلى ەدى...

رۋحانيات • بۇگىن، 08:10

سوڭىندا جاقسى ءىزى سايراپ جاتىر

رۋحانيات • بۇگىن، 08:08

باقۇل بول، باۋىرىم!

رۋحانيات • بۇگىن، 08:07

سۇيەگى اسىل ادام ەدى

رۋحانيات • بۇگىن، 08:05

ۇقساس جاڭالىقتار