ايماقتار • 10 قىركۇيەك، 2019

قاراعاندىدا جحل دەلەگاتسياسى شاحتاعا ءتۇستى

26 رەتكورسەتىلدى

كەنشىلەر استاناسىنا جوعارى حوككەي ليگاسى (جحل) باسشىلىعىنىڭ دەلەگاتسياسى «سارىارقا» مەن «رۋبين» (تۇمەن) كوماندالارى اراسىنداعى مەرەيتويلىق 10-شى ماۋسىمنىڭ العاشقى ويىنىن كورۋ ءۇشىن ارنايى ساپارمەن كەلدى.

قۇرامىندا جحل-دىڭ باسقارۋشى ديرەكتورى كيريلل پافيفوۆ، ونىڭ ورىنباسارى پاۆەل ماكاروۆ، جحل-دىڭ باس تورەشىسى ميحايل كارپۋشين، رەسەي حوككەي فەدەراتسياسى اتقارۋشى ديرەكتورىنىڭ ورىنباسارى الەكساندر كيكنادزە جانە ەڭبەك سىڭىرگەن ارداگەر يگور تۋزيك بار دەلەگاتسيا ءۇشىن شاحتاعا ەكسكۋرسيا ۇيىمداستىرىلدى. قوناقتار «ارسەلورميتتال تەمىرتاۋ» اق كومىر دەپارتامەنتىنىڭ ي.كوستەنكو اتىنداعى شاحتاسىندا بولىپ،  600 مەتر تەرەڭدىكتەگى كەنجارعا ءتۇستى.

جحل-دىڭ باسقارۋشى ديرەكتورى كيريلل پافيفوۆ بۇعان دەيىن شاحتاعا ءتۇسىپ كورمەگەنىن ايتسا، رحف-نىڭ باس كەڭەسشىسى يگور تۋزيك قۇراما كوماندالارمەن 45 جىل جۇمىس ىستەگەنىن جانە بۇرىنعى كەڭەستىك رەسپۋبليكالارعا بىرنەشە رەت بارعانىن اڭگىمەلەدى.

– الايدا بۇل قازاقستاندىق شاحتادا تۇڭعىش رەت بولۋىم. مەن مۇز ايدىنداعى جانە جەر استىنداعى ەڭبەكتىڭ ايىرماشىلىعىن كورىپ، سەزىندىم. كەنشىلەر  ەڭبەگىن باعالاۋ جانە قولداۋ قاجەت، –  دەدى ول.

رەسەيلىك قوناقتار قىزىقتى ەكسكۋرسيا ءۇشىن ۇيىمداستىرۋشىلارعا العىس سەزىمىن ءبىلدىردى.

 

قاراعاندى وبلىسى

سوڭعى جاڭالىقتار

ۇقساس جاڭالىقتار