كينو • 10 قىركۇيەك، 2019

«الىپتار» دەرەكتى ءفيلمى جارىق كوردى

158 رەتكورسەتىلدى

حالقىنا قالتقىسىز قىزمەت ەتۋدىڭ وزىق ۇلگىسىن تانىتقان حح-نشى عاسىرداعى ارىستارىمىز تۋرالى عيبراتتى فيلمدەر جارىققا شىقتى.

قاي زاماندا دا، قاي حالىققا بولسىن جەر مەن ءتىل ماسەلەسى قاسيەتتى دە كيەلى ۇعىم. ويتكەنى ۇلتتىڭ ساقتالۋىنا دا، جوعالۋىنا دا سەبەپ بولاتىن ەكى-اق نارسە بولسا، ول - جەرى مەن ءتىلى! وسى ەكەۋىن جوعالتقان جۇرتتىڭ ءوزى دە جوعالادى. قازاق ەلى ءۇشىن ازابى مەن عاجابى، سورى مەن باعى قاتار ورىلگەن حح-نشى عاسىردى سارالايتىن بولساق، كەزەڭدەر تۋعىزعان قۇندى قۇبىلىستار مەن قايشىلىقتار قاراپايىم حالىقپەن قاتار، بيلىك باسىنداعىلاردىڭ دا تاعدىرىندا كورىنىس تاۋىپ جاتتى. 

«ۇلتىنىڭ ۇلەسىنە ۇلى قۇبىلىس جاساۋ جولىندا سول حح-نشى عاسىردىڭ الىپتارى ءوز باسەكەلەستەرىنىڭ ءباسىن ءتۇسىرىپ، كەگىن قوزدىردى. كورە الماۋشىلىق قويسىن با، بيلىك بۇلاردىڭ ءبارىن ەندى جولىن كەسپەستەي ەتىپ، بيىك شىڭنان قۇزعا قاراي دومالاتتى ... بۇل الىپتاردىڭ قاتارىندا كىمدەر بار ەدى؟... فيلمدە وسى جونىندە ەرەكشە تولعانىسپەن ايتىلادى، حالقىمىزدىڭ ءىرى تۇلعالارى تۋرالى تاريحي دەرەكتەر مولىنان كەزدەسەدى» دەيدى دقق ءباسپاسوز قىزمەتىنىڭ باسشىسى - حاتشىسى سىرىمبەك تولەۋ.

سوناۋ 1920 جىلى قازاق جەرىنىڭ تۇتاستىعى جولىندا باسىن قاتەرگە تىگىپ ۆ.لەنينگە دەيىن بارعان، ءسويتىپ 5،5 ملن قازاق ۇلتى تۇرىپ جاتقان 3.467.922 شارشى شاقىرىم جەر كولەمىن بەكىتتىرىپ، ءوز ميسسياسىن ادال اتقارىپ شىققان نەبارى 29 جاستاعى ءالىمحان ەرمەكوۆ پەن الاش كوسەمدەرى بولدى. كەشەگى كەڭەستەر وداعىن حرۋششەۆ باسقارعانداعى ەڭ زور ساياسي قاتەلىگى - قازاق دالاسىن سىناق الاڭىنا اينالدىرۋى مەن جەرىن بولشەكتەپ ماسكەۋگە باعىندىرعىسى كەلۋى، ال، مۇنايلى ايماعىن تۇركىمەنستان مەن ازىربايجانعا، وڭتۇستىك ءوڭىردى وزبەكستانعا بەرە سالۋى سياقتى ز ۇلىمدىق يدەياسىنا اشىقتان-اشىق قارسى شىعىپ، ۇلتىنىڭ مۇددەسىن قولىنداعى بيلىكتەن دە بيىك قويعان نۇرتاس وڭداسىنوۆ، «كىسەندەۋلى جولبارىس» اتانعان جۇمابەك تاشەنەۆ، جان باسپاعان جاپان دالامىزدىڭ قويناۋىنان «قارا التىننىڭ» قويماسىن اشقان قانىش ساتپاەۆ پەن شاحماردان ەسەنوۆتەر، سونداي-اق، «ازيانىڭ اساۋ جۇرەگى» اتانعان وسپان باتىر ەدى...

ەندەشە، وسى الىپتاردىڭ تەلەگەي-تەڭىز عۇمىر-دارياسى كينو تىلىندە كوپشىلىك حالىقپەن ديدارلاسۋعا دايىن! دۇنيەجۇزى قازاقتارىنىڭ قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ فيلم ءتۇسىرۋ يدەياسىن ۇسىنىپ، كەڭەسشىلىك كورسەتتى.

فيلمدەردىڭ اۆتورى – نازگۇل ابۋتراپوۆا.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار