كاسىپورىن باسشىلارى تاۋ-كەن ءىسى جانە پايدالى قازبالاردى بايىتۋ ماماندىعى بويىنشا وقىپ جاتقان ستۋدەنتتەر مەن ۋنيۆەرسيتەت وقىتۋشىلارىنا شاكىرتاقى تاعايىنداپ, شەتەلدەردە تاجىريبە جيناقتاۋعا مۇمكىندىك جاساماقشى.
«تيولاين» سەرىكتەستىگى پايدالى قازبالاردى بارلاۋ جانە ءوندىرۋ ىسىمەن اينالىساتىن ءىرى كاسىپورىن. ءوندىرىس ورنى جۇزدەگەن ادامدى جۇمىسپەن قامتىپ وتىر. سەرىكتەستىك باسشىلارى كادر تاپشىلىعىنا بايلانىستى ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنە تاۋ-كەن ءوندىرۋ جانە بايىتۋ ماماندارىن دايارلاۋ بويىنشا بىرلەسكەن جۇمىس جاساۋعا ۇسىنىس ءبىلدىردى.
– ءبىزدىڭ كاسىپورىن كوكشەتاۋ قالاسىنا جاقىن ورنالاسقان. بۇل جەردە ءبىزدىڭ كاسىپورىنعا قاجەت ماماندار وقىتىلادى. ءبىز ساپالى ماماندار دايىنداۋ ىسىنە جىلىنا 200 مىڭ اقش دوللارىن بولۋگە دايىنبىز. العاشقى قارجىلاندىرۋ جۇمىسى باستالىپ تا كەتتى,–دەيدى سەرىكتەستىك باسشىسى ۆيكتور دولگالەۆ.
