«بۇل ءبىر اي قالادا جۇرگىزىلگەن «دەنساۋلىق ايلىعى» اكتسياسى اياسىنداعى ءموبيلدى توپتاردىڭ جۇمىس ىستەۋى ناتيجەسىندە انىقتالعانى عانا», دەپ حابارلايدى الماتى قالاسى اكىمدىگى ءباسپاسوز قىزمەتى.
وسى ارالىقتا 18 مىڭعا جۋىق ازامات دەنساۋلىعىن تەگىن تەكسەرىستەن وتكىزۋگە مۇمكىندىك الدى. جىلجىمالى كەشەندەر تۇرعىنداردى قاراۋ ءۇشىن قوندىرعىلارمەن جابدىقتالعان. تەراپەۆتەر, پەدياتورلار, كارديولوگتار, ستوماتولوگ جانە باسقا دا بىلىكتى دارىگەرلەر قابىلداۋ جۇرگىزدى. ەندى ءار توقسان سايىن وسىنداي جىلجىمالى مەديتسينالىق پۋنكتەر جۇمىس ىستەپ, ۋاقىتى جوق تۇرعىندارعا وزدەرى بارماق.
«8 اۋداندا باس-اياعى 61 نۇكتە جۇمىس ىستەدى. جىلجىمالى مەديتسينالىق پۋنكتەر قوعام كوپ جۇرەتىن ساۋدا ورتالىقتارى مەن بازارلار دا, ءتىپتى ساياجايلاردا جۇرگىزىلدى. ناتيجەسىندە, مۇلدەم مەديتسينالىق تەكسەرىستەن وتپەگەن 5 مىڭ 480 ادام العاش رەت ءوز دەنساۋلىقتارىن تەكسەرتىپ كوردى.ال 2 مىڭ 893 پاتسيەنت ديسپانسەرلىك تىزىمگە تۇرعىزىلدى. 4 مىڭ 411 ازاماتتىڭ دەنساۋلىعىندا ەشقانداي ناۋقاس بەلگىلەرى انىقتالمادى», دەيدى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى قانات توسەكباەۆ.
