ء«بىز قازىردىڭ وزىندە «تىڭداي الاتىن مەملەكەت» كونتسەپتسياسىن ىسكە اسىرۋدى باستادىق. بارلىق باسقارما باسشىلارى مەن اۋداندار اكىمدەرى الەۋمەتتىك جەلىلەردە اككاۋنتتار اشتى, وسى ارقىلى ولار الماتىلىقتاردان تىكەلەي «كەرى بايلانىستى» قابىلداي الادى», دەدى باقىتجان ساعىنتاەۆ.
بۇدان وزگە, باسقارمالار مەن اۋدان اكىمدىكتەرىندە «اشىق ەسىكتەر كۇندەرى» وتۋدە.
اكىمنىڭ ءسوزى بويىنشا ولار ءار اپتا سايىن وتەتىن بولادى.
«ادامداردى ساپالى جاۋاپتار تولعاندىرادى. قايتادان ءوتىنىش بەرىلمەيتىندەي ەتىپ, بارىنشا ناقتىلى جاۋاپ بەرۋ ءارى ءتۇسىندىرۋ قاجەت. نازار اۋدارىلماعان ءاربىر ءوتىنىش ءۇشىن ءبىرىنشى باسشىلار جەكە جاۋاپقا تارتىلادى. كادرلىق شەشىمدەر ەڭ الدىمەن ولاردىڭ تۇرعىندارمەن جۇمىسىنىڭ باعاسىنا قاتىستى قابىلدانادى», دەپ اتاپ ءوتتى الماتى قالاسىنىڭ اكىمى.
سونىمەن قاتار, جاقىن ارادا بەيبىت جيىندار وتەتىن ورىندار انىقتالادى جانە باق بەتتەرىندە جاريالاناتىن بولادى.
الماتى
