ۇلتتىق كوماندامىزدىڭ باس باپكەرى باقتيار بايسەيىتوۆ جىلدىڭ وسى ەڭ باستى جارىسىندا مىنا شاكىرتتەرىنە سەنىم ارتتى:
55 كيلو – قورلان جاقانشا,
63 كيلو – المات كەبىسپاەۆ,
67 كيلو – مەيىرجان شەرماحانبەت,
72 كيلو – دەمەۋ جادىراەۆ,
77 كيلو – اسحات دىلمۇحامەدوۆ,
87 كيلو – ازامات قۇستىباەۆ,
97 كيلو – ەرۇلان ىسقاقوۆ,
130 كيلو – دامير كۇزەمباەۆ.
ال 60 جانە 82 كيلو سالماق دارەجەلەرى بويىنشا كىمدەردىڭ كۇرەسەتىنى ءالى انىقتالعان جوق. سەبەبى, ءار سالماقتا قوس ۇمىتكەردەن بار. ولار – مەيرامبەك ايناعۇلوۆ پەن ايدوس سۇلتانعالي (60 كيلو) جانە ميراس بارشىلىقوۆ پەن ماقسات ەرەجەپوۆ (82 كيلو). الداعى جۇما كۇنى ايتۋلى بالۋاندار ءبىر-بىرىمەن كۇرەسەدى. سول تارتىستا جەڭگەنى ايتۋلى دودادا ەل نامىسىن قورعايدى.
ءبىر ايتا كەتەرلىگى, الەم چەمپيوناتتارىنداعى وزدەرىنىڭ سوڭعى باس جۇلدەسىنە قازاقستاننىڭ گرەك-ريم كۇرەسى شەبەرلەرى سوناۋ 1999 جىلى قول جەتكىزگەن. سودان بەرى تابانى كۇرەكتەي 20 جىل ءوتتى. ەندى سول ولقىلىقتىڭ ورنى نۇر-سۇلتاندا تولىعادى دەپ ۇمىتتەنەمىز.
