باسەكەنى جەرلەستەرىمىز قارقىندى قيمىلداعانىمەن, 20 مينۋت ارالىعىندا قارسىلاستار قاقپاسىنىڭ كىلتىن تابا المادى. قوناقتار دا اسا ءبىر بەلسەندىلىك تانىتا قويعان جوق. ەسەسىنە ۇزىلىستەن كەيىن قيىر شىعىستان كەلگەن جىگىتتەر بىرنەشە تەگەۋرىندى شابۋىلدار ۇيىمداستىردى. سونىڭ ەكەۋى ناتيجەلى اياقتالدى. 32 مينۋتتا ماركۋس يۋنگ جانە 37 مينۋتتا ادام المكۆيست نىسانانى ءدال كوزدەدى. «بارىس» تا قاراپ قالعان جوق. دەسەك تە ايدىن يەلەرىنە دالدىك جەتىسپەدى. ءۇشىنشى كەزەڭنىڭ 51 مينۋتىندا كوربەن نايت ەسەپ ايىرماشىلىعىن قىسقارتقانىمەن, كوپ ۇزاماي «ادميرالدىڭ» ويىنشىلارى تاعى ءبىر گول سوعىپ كەتتى. ەسەپ – 1:3.
بۇگىن «بارىس» حاباروۆسكىنىڭ «امۋرىن» قابىلدايدى. ولار دا تۇساۋكەسەر كەزدەسۋىندە جەڭىلگەن بولاتىن. قيىر شىعىستىڭ بۇل كومانداسى ءنوۆوسىبىردىڭ «سىبىرىنە» 1:2 ەسەبىمەن ەسە جىبەردى.
