وتىرىس بارىسىندا ن.نىعماتۋلين وسىدان ەكى كۇن بۇرىن مەملەكەت باسشىسى قاسىم-جومارت كەمەل ۇلى توقاەۆتىڭ كەزەكتى سەسسيانى اشىپ, پارلامەنت قابىرعاسىندا ءوزىنىڭ تۇڭعىش جولداۋىن جاريالاعانىنا نازار اۋداردى.
«مەملەكەت باسشىسى قاسىم-جومارت كەمەل ۇلى توقاەۆ ءوز جولداۋىندا ەلباسىمىز نۇرسۇلتان ءابىش ۇلى نازارباەۆتىڭ ساياساتىن جالعاستىرا وتىرىپ, قازاقستانىمىزدى ودان ءارى دامىتۋدىڭ نەگىزگى ماقساتتارىن بەلگىلەپ بەردى. ولاردىڭ بارلىعىن زاڭ جاعىنان قولداۋ ءۇشىن دەپۋتاتتىق كورپۋستىڭ الدىندا دا جاۋاپتى مىندەتتەر تۇر. سول ءۇشىن سەسسيا بارىسىندا, ءبىز, ءوز ۋاقىتىندا, حالىققا قاجەتتى, ساپالى زاڭدار قابىلدايتىن بولامىز»,-دەدى پالاتا سپيكەرى.
وسى جاۋاپتى مىندەتتى ابىرويمەن اتقارۋ ءۇشىن بۇگىننەن باستاپ بەلسەنە ىسكە كىرىسۋ قاجەتتىگىن ەسكە سالعان ءماجىلىس توراعاسى اسىرەسە, ەكونوميكانى جاڭعىرتۋعا الەۋمەتتىك احۋالدى كۇشەيتۋگە, بيۋدجەت جانە سالىق جۇيەسىن جەتىلدىرۋگە, ازاماتتاردىڭ قۇقىقتارى مەن بوستاندىقتارىن قورعاۋعا, شاعىن جانە ورتا بيزنەستى قولداۋعا, ەكولوگيالىق ماسەلەلەرگە باسقا دا سۇراقتارعا ەرەكشە كوڭىل بولىنەتىنىن اتاپ ءوتتى.
