قوعام • 04 قىركۇيەك، 2019

زارينا التىنباەۆا يتاليانى ءتانتى ەتتى

63 رەتكورسەتىلدى

اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ جەتەكشى ءسوليسى زارينا التىنباەۆا يتاليادا وتكەن «Montecatini Opera Competition – 2019» حالىقارالىق بايقاۋىنان جۇلدەلى 2-ورىن يەلەنىپ، لاۋرەات بولىپ قايتتى.

ءانشىنىڭ پيار-مەنەدجەرى دينا ىدىرىسوۆانىڭ حابارلاۋىنشا، زارينا بايقاۋدان جەڭىسپەن ورالىپ قانا قويماي، «Montecatini Opera Competition» حالىقارالىق وپەرا فەس­تيۆالىنە تاعى دا ءبىر مارتە قاتىسۋعا  جانە يتاليانىڭ Parma Opera تەاترىندا جۇمىس ىستەۋگە ۇسىنىس العان. حالىقارالىق بايقاۋ تامىز ايىندا مونتەكاتيني، توسكانا قالالارىنا وتكەن. وعان يتاليا، اۋستريا، رەسەي، جاپونيا، كورەيا، اقش، قىتاي جانە باسقا دا مەملەكەتتەردەن ەڭ تاڭداۋلى وپەرا انشىلەرى قاتىسقان.

«مۇنداي ماڭىزدى بايقاۋعا تولقىماي، تەبىرەنبەي قاتىسۋ مۇمكىن ەمەس. يتاليا bel canto رەپەرتۋارىنىڭ ورىندالۋىنا وتە قاتال جانە قىزعا­نىشپەن قارايدى. سوندىقتان شىرقال­عان ءاننىڭ ءار سوزىنە، ءاربىر مۋزىكالىق فرازاعا، ارينە يتاليا مۋزىكاسىنىڭ ورىندالۋ داستۇرىنە اسا ءمان بەرىپ، قاتاڭ ساقتاۋعا تىرىستىم»، دەيدى زارينا التىنباەۆا.

بايقاۋ ءۇش تۋردان تۇرعان، وعان 90-نان اسا ورىنداۋشى قاتىسىپ، 15-ءى عانا مارەگە جەتكەن. بايقاۋ تالابى بويىنشا  انشىگە ەكى اريانى يتاليان تىلىندە ورىنداۋ مىندەتتەلگەن. مارەگە جەتكەن انشىلەر Terme Tettuccio ساحناسىندا بولوني قالاسىنىڭ سيمفونيالىق وركەسترىنىڭ سۇيەمەلدەۋىمەن ونەر كورسەتكەن.

بايقاۋعا قاتىسۋشىلاردىڭ ونە­رىن ماسكەۋ اكادەميالىق مۋزىكا تەاترى­نىڭ كوركەمدىك جەتەكشىسى ءارى باس ديريجەرى، رەسەيگە ەڭبەگى سىڭگەن ءارتىس فەليكس كوروبوۆ، مونتەكاتيني تەرمە وپەرا فەستيۆالىنىڭ كوركەمدىك جەتەكشىسى، پيانيست ماريا دجۋليا گراتستسيني، Parma OperArt كوركەمدىك جەتەكشىسى ەددي لوۆليو (يتاليا)، Easter Festival Salzburg كوركەمدىك كەڭەسشىسى دجوزەف گاسسەك (اۋستريا)، ن.جيگانوۆ اتىنداعى قازان مەملەكەت­تىك كونسەرۆاتورياسىنىڭ رەكتورى رۋبينا ابدۋللينا (رەسەي)، يۆان كوزلوۆسكي اتىنداعى ارت-ورتالىق­تىڭ كوركەمدىك جەتەكشىسى، رەجيسسەر تاتيانا زوزۋليا (ۋكراينا)، ماگنيتوگورسك مەملەكەتتىك وپەرا جانە بالەت تەاترىنىڭ ديرەكتورى يليا كوجەۆنيكوۆ (رەسەي)، كيتاكيۋسيۋ سيتي وپەرا تەاترىنىڭ باريتونى گۆيدو حاسسۋ سەكىلدى حالىقارالىق بەدەلدى  قازىلار القاسى باعالادى.

سونىمەن بايقاۋدىڭ ءبىرىنشى جۇلدەسىن باريتون الەكساندر چيرياك (رۋمىنيا)، ەكىنشى ورىن قازاقستاندىق سوپرانو زارينا التىنباەۆا يەلەنسە، ال ءۇشىنشى ورىندى اۋستريالىق باريتون مايكل فيشەر مەن رەسەيلىك مەتستسو-سوپرانو ناتاليا زيمينا ءبولىستى.

Montecatini Opera Festival – تەحني­كالىق دايارلىعى مىقتى، ەندى حالىقارالىق ساحنالاردى باعىن­دى­رۋدى مۇرات تۇتقان الەمنىڭ جاس ورىنداۋشىلارى ءۇشىن تاپتىرماس مۇمكىندىك الاڭى. قازاقستاننىڭ اتىنان قاتىسقان زارينا التىنباەۆا – بىرنەشە حالىقارالىق بايقاۋلاردا لاۋرەات اتانعان اباي اتىنداعى وپەرا جانە بالەت تەاترىنداعى جەتەكشى انشىلەردىڭ ءبىرى. ول بىلتىر جاپونيادا وتكەن «Tokyo Music Competition» حالىقارالىق بايقاۋىنىڭ 1-ورنى مەن كورەرمەندەر كوزايىمى جۇلدە­سىن يەلەنىپ قايتقان بولاتىن. سون­داي-اق 2017 جىلى الماتىدا وتكەن حالىقارالىق قىسقى ۋنيۆەرسيادانىڭ اشىلۋ سالتاناتىندا ديماش قۇدايبەرگەنوۆپەن بىرگە ءان شىرقادى. ازياداعى ەڭ تانىمال «Star of Asia» جۇلدەسىنىڭ يەگەرى جانە «جىل ادامى».

 

الماتى

 

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

ءىشىنارا شەكتەۋ ەنگىزىلدى

كوروناۆيرۋس • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار