تاراپتار وسى سالاداعى قازاقستان مەن ەقىۇ ىنتىماقتاستىعى ماسەلەلەرى بويىنشا پىكىر الماستى.
ودان ءارى ىنتىماقتاستىق جاساسۋدىڭ كەلەشەك باعىتتارى – «كوپ ۇلتتى قوعامداعى پوليتسەيلىك قىزمەتى» جوباسى, تسيفرلىق باق, قوعامدى اقپاراتتاندىرۋ احۋالىنداعى مادەني وزگەرىس.
د.نازارباەۆا قازاقستان ءارتۇرلى ەتنوستاردىڭ تىلىندە وقىتىلاتىن مەكتەپتەردە انا ءتىلىن جانە مەملەكەتتىك ءتىلدى مەڭگەرۋ دەڭگەيىن ارتتىرۋعا ىقپال ەتەتىن ورتالىق ازياداعى ءبىلىم بەرۋ باعدارلاماسىن جوعارى باعالايتىنىن اتاپ ءوتتى. «مەملەكەتتىك ءتىلدى مەڭگەرۋ دەڭگەيى جىل سايىن ارتىپ كەلەدى. ءبىز پراكتيكالىق ىنتىماقتاستىقتى ودان ءارى جالعاستىرۋعا مۇددەلىمىز», - دەدى سەنات توراعاسى.
جوعارعى پالاتا باسشىسى ءۇش ءتىلدى ساياساتتى ەسكەرە وتىرىپ, تىلدەردى دامىتۋدىڭ مەملەكەتتىك باعدارلاماسى اياسىندا ۇلتتىق جانە جەكسەنبىلىك مەكتەپتەردىڭ قىزمەتىنە قولداۋ جۇرگىزىلىپ وتىرعانىن ايتتى. سونداي-اق, د.نازارباەۆانىڭ پىكىرىنشە زاماناۋي گەوساياسي جاعدايدا كوپ ءتىل ءبىلۋ – جاڭا مۇمكىندىكتەر مەن باسەكەگە قابىلەتتى بولا الۋ باسىمدىلىعىن بەرەدى.
پارلامەنتارالىق ىنتىماقتاستىقتى ءسوز ەتە وتىرىپ, سەنات باسشىسى ەقىۇ پارلامەنتارالىق اسسامبلەياسى اياسىندا سەنات جۇمىسىن كۇشەيتۋ قاجەتتىگىن اتاپ ءوتتى.
ل.زانەر ەقىۇ قازاقستانمەن جاساسقان ىنتىماقتاستىققا ۇلكەن ءمان بەرەتىنىن جانە ۇيىمنىڭ ءاربىر مۇشەسى ونىڭ قوزعاۋشى كۇشىنە اينالۋى كەرەك ەكەنىن اتاپ ءوتتى.
