ء«بىز تشو-نىڭ قىزمەتى ەل مەن وبلىسقا ەكونوميكالىق پايداسىن عانا ەمەس, سونىمەن قاتار ءوزىمىز تۇرىپ جاتقان جەرگىلىكتى قوعامداستىقتىڭ الەۋمەتتىك ءال-اۋقاتىنا وڭ اسەرىن تيگىزىپ وتىرعانىنا قۋانىشتىمىز. اتىراۋ وبلىسىنىڭ اكىمدىگىمەن جانە جۇرتشىلىقپەن تىعىز ىنتىماقتاستىعىمىز ءارى قاراي ءونىمدى تۇردە جالعاسادى دەگەن ۇمىتتەمىز. بارلىعىمىز وسىنداي وڭىرگە قاجەتتى الەۋمەتتىك ينفراقۇرىلىم نىساندارىنىڭ پايدا بولۋىنا ءالى دە بىرگە كۋا بولامىز دەپ سەنەمىن», - دەپ اتاپ ءوتتى مەكتەپتىڭ اشىلۋ سالتاناتىنا قاتىسقان رزابەك ارتىعاليەۆ, تشو-نىڭ ۇكىمەتپەن جانە جۇرتشىلىقپەن بايلانىس ءبولىمىنىڭ باس مەنەدجەرى. مەكتەپتىڭ اشىلۋ راسىمىنە قاتىسقان قالا اكىمى اليمۇحاممەد قۇتتىمۇرات ۇلى بالالاردى, مۇعالىمدەردى جانە اتا-انالاردى ءبىلىم كۇنىمەن قۇتتىقتاي وتىرىپ, تەڭىزشەۆرويل جشس-ڭ وبلىستىڭ الەۋمەتتىك ينفراقۇرىلىمىنىڭ دامۋىنا قوسقان ۇلەسىن اتاپ ءوتتى. «وڭىرىمىزدەگى الەۋمەتتىك ماڭىزى زور نىساندارىنىڭ قۇرىلىس جۇمىستارى بىرنەشە جىل قاتارىنان تەڭىزشەۆرويل مەكەمەسىنىڭ دەمەۋشىلىگىمەن اتقارىلىپ كەلەدى. الەۋەتى مول مەكەمەنىڭ جۇمىسىنا سىزدەردىڭ اتتارىنىزدان العىسىمدى بىلدىرەمىن», - دەدى قۇتتىمۇرات ۇلى مىرزا جينالعان قاۋىمعا. سونداي-اق بۇگىنگى ءبىلىم كۇنىندە العاشقى قوڭىراۋ 59 قالا مەكتەپتەرىندە سوعىلعانى تۋرالى دا ايتىپ كەتتى. جوعارىدا ايتىپ وتكەنىمىزدەي, جاڭا مەكتەپ جۇلدىز شاعىن اۋدانىنداعى العاشقى ورتا ءبىلىم بەرۋ ورنىنا اينالعالى وتىر. وسىعان دەيىن وقۋشىلار ءبىلىم الۋ ءۇشىن كورشى اۋىلداعى مەكتەپكە بارۋعا ءماجبۇر بولعان ەدى. جوسپارعا سايكەس, مەكتەپ عيماراتى ءۇش ساتى بويىنشا 25 سىنىپتى وقىتۋعا ارنالعان. ءبىرىنشى ساتى ءۇشىن 8 سىنىپ, ال ەكىنشى جانە ءۇشىنشى ساتىلار ءۇشىن, سايكەسىنشە, 11 جانە 6 سىنىپ قاراستىرىلعان. مەكتەپ اۋماعى تەننيس, باسكەتبول جانە فۋتبول الاڭدارىمەن, جۇگىرۋگە ارنالعان جولدارمەن, سونداي-اق اشىق اسپاندا جاتتىعۋلار جاساۋعا ارنالعان ارنايى ورىندارمەن جابدىقتالعان.
وسى جىلى «يگىلىك» ەرىكتى باعدارلاماسى اياسىندا قالا قولدانىسىنا 50 اۆتوبۋسساتىپ الۋ, اتىراۋ وبلىسى يندەر اۋدانىنا ەكى الەۋمەتتىك-مادەني ورتالىعىن, سونىمەن قاتار وبلىستىڭ جىلىوي اۋدانىنا دەنە شىنىقتىرۋ-ساۋىقتىرۋ كەشەنى مەن بالاباقشا سالۋ سەكىلدى جوبالار قارجىلاندىرىلعان بولاتىن. جىلدىق بيۋدجەتى 25 ملن اقش دوللارى بولاتىن «يگىلىك» ەرىكتى باعدارلاماسى «تەڭىزشەۆرويل» جشس-ءنىڭ اتىراۋ وبلىسىنداعى الەۋمەتتىك ينفراقۇرىلىم جوبالارىن قولداۋعا باعىتتالعان كورپوراتيۆتىك جاۋاپكەرشىلىگى سالاسىنداعى نەگىزگى باستامالارىنىڭ ءبىرى بولىپ تابىلادى. وسى كۇنگە دەيىن اتالمىش باعدارلاما اياسىندا 90-نان استام جوبا جۇزەگە اسىرىلدى. 1993 جىلدان باستاپ تشو-نىڭ الەۋمەتتىك سالاعا قوسقان جالپى ۇلەسى 1,8 ملرد اقش دوللاردان استى.
