قر تۇڭعىش پرەزيدەنتى – ەلباسى ن. ءا. نازارباەۆ ۇنەمى وسكەلەڭ ۇرپاقتىڭ قازاقستاننىڭ دامۋىنا قوسار ۇلەسىنە ەرەكشە كوڭىل بولەدى. مەملەكەت باسشىسى ق. ك. توقاەۆ تامىز كونفەرەنتسياسىندا سويلەگەن سوزىندە ءبىلىم بەرۋ جۇيەسىنىڭ جاڭا سىن-تەگەۋرىندەرگە ۇيلەسىمدى بەيىمدەلۋى قاجەت ەكەنىن اتاپ ءوتتى.
قر پرەمەر-ءمينيسترى اسقار مامين سالتاناتتى شارادا تسيفرلاندىرۋ مەن جاساندى زەردەنىڭ اسەرىنەن بۇگىندە جاڭا ماماندىقتار پايدا بولىپ جاتقانىن اتاپ ءوتتى.
«سىزدەردىڭ ءبىلىم دەڭگەيلەرىڭىز زامان سۇرانىستارىنا ساي جانە باسەكەگە قابىلەتتى بولۋى كەرەك», — دەپ اسقار مامين, بارلىق وقۋشىلاردى ءبىلىم كۇنىمەن قۇتتىقتادى.
جاڭا مەكتەپتىڭ تەحنيكالىق جاراقتانۋىنا جاردەمدەسۋ ماقساتىندا «قوعامدىق ماڭىزدى باستامالاردى دامىتۋ قورى» 3D-مودەلدەردى زەرتتەۋگە ارنالعان ۆيرتۋالدى-عىلىمي سەكتسياسى بار «جاسىل تەحنولوگيالار» زەرتحاناسىن سىيلادى, ونى قوردىڭ قامقورشىلىق كەڭەسىنىڭ توراعاسى ءا. نازارباەۆا مەن قر ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ تانىستىردى.
قر پرەمەر-ءمينيسترى ا. مامين ينتەراكتيۆتى جابدىقتى قولدانا وتىرىپ وقىتۋدىڭ جاڭا ادىستەرىمەن تانىستى. وقۋ سىنىپتارىن الدىڭعى قاتارلى تەحنولوگيالارمەن جابدىقتاۋ وقۋشىلارعا بولاشاق ماماندىقتارىنىڭ داعدىلارىن دامىتۋعا مۇمكىندىك بەرەدى.
بۇدان وزگە, اشىلۋ سالتاناتى بارىسىندا جاڭا مەكتەپكە «سارىارقااۆتوونەركاسىپ» قازاقستاندىق زاۋىتى جاڭا ۇلگىدەگى مەكتەپ اۆتوبۋسىن سىيعا تارتتى.
قر ۇكىمەتىنىڭ باسشىسى اسقار مامين جاڭا مەكتەپتى ارالاۋ بارىسىندا ۇلى ابايدىڭ 175 جىلدىعىنا وراي اشىلعان «ابايتانۋ» كابينەتى مەن مۋزەيىنە باردى.
ايتا كەتۋ كەرەك, جاڭا №87 مەكتەپ-گيمنازياسىندا 900-دەن استام وقۋشى ءبىلىم الاتىن بولادى. جالپى, بيىل قر ورتا ءبىلىم بەرۋ ۇيىمدارىنداعى وقۋشىلاردىڭ سانى 3 ملن-نان اسادى. جاڭا وقۋ جىلىندا 400 مىڭ بالا 1-سىنىپقا قابىلداندى. جاڭا وقۋ جىلىنىڭ باستالۋىنا ارنالعان سالتاناتتى جيىندارعا قر ۇكىمەتىنىڭ مۇشەلەرى قاتىستى, ولار مەكتەپتەردە ازاماتتىق پەن وتانسۇيگىشتىككە ارنالعان ساباقتار وتكىزدى.
سونىمەن قاتار, №87 مەكتەپتىڭ اشىلۋ سالتاناتىنا قر ءبىلىم جانە عىلىم ءمينيسترى ا. ايماعامبەتوۆ جانە نۇر-سۇلتان قالاسىنىڭ اكىمى ا. كولگىنوۆ قاتىستى.
