مينيسترلىكتىڭ ءباسپاسوز قىزمەتىنەن مالىم ەتكەندەي, شارا بارىسىندا ق.بوزىمباەۆ العاشقى ۇستازدارىمەن جۇزدەسىپ, ارداگەر پەداگوگتاردى, 1-سىنىپ تابالدىرىعىن اتتاعان وقۋشىلاردى ءبىلىم كۇنىمەن قۇتتىقتادى. سونىمەن قاتار, «سانالى ۇرپاق - جارقىن بولاشاق» اتتى اشىق ساباققا قاتىسىپ, جوعارى سىنىپ وقۋشىلارىمەن سۇحبات قۇردى. ول بالالىق ەستەلىكتەرىمەن ءبولىسىپ, ارمان-ماقسات تۋرالى تاقىرىپتا اڭگىمەلەسكەن.
«مەكتەپ بىتىرگەنىمىزگە قانشا جىل وتسە دە, قانشا ەسەيىپ, ازامات بولساق تا, وسى مەكتەپ ءبىزدىڭ ەڭ العاشقى التىن ۇيامىز سەكىلدى ىستىق كورىنىپ تۇرادى», - دەدى مينيستر. ۆەدومستۆو باسشىسى ءار سىنىپتى جەكە ارالاپ, 33 جىل بۇرىن ءتالىم بەرگەن مۇعالىمدەرىمەن اڭگىمەلەسكەن. ايتا كەتەيىك, قانات بوزىمباەۆ اتالعان مەكتەپتىڭ 1986 جىلعى تۇلەگى. مينيسترلىكتىڭ ءباسپاسوز قىزمەتى ونىڭ وقۋشى كەزىندەگى فوتوسۋرەتتەرىمەن ءبولىستى.
