ءبىلىم مينيسترلىگىنىڭ حابارلاۋىنشا, قازاقستان مەكتەپتەرىندەگى العاشقى قوڭىراۋ جەكسەنبى كۇنى 1 قىركۇيەكتە سوعىلادى. العاشقى قوڭىراۋدان كەيىن رەسپۋبليكا مەكتەپتەرىندە ساباق وتكىزىلمەيدى. دۇيسەنبى – 2 قىركۇيەكتەن باستاپ, ساباق بەلگىلەنگەن كەستەگە سايكەس وتكىزىلەدى.
بيىل ەلىمىزدە العاش رەت 400 مىڭنان استام ءبىرىنشى سىنىپ وقۋشىسى مەكتەپ تابالدىرىعىن اتتايدى.
2019-2020 وقۋ جىلىندا رەسپۋبليكادا 7 مىڭنان استام مەملەكەتتىك مەكتەپتەرىندە 3 ملن-نان استام وقۋشى وقۋىن جالعاستىرادى. العاش رەت 400 مىڭنان استام ءبىرىنشى سىنىپ وقۋشىسى مەكتەپ تابالدىرىعىن اتتايدى. ءبىلىم كۇنى وقۋشىلاردى 300 مىڭعا جۋىق پەداگوگ قارسى الادى. 10 مىڭنان استام جاس پەداگوگ كاسىبي قىزمەتكە كىرىسەدى.
سونداي-اق, بيىل نۇر-سۇلتان قالاسىندا 24 مىڭ بالا ءبىرىنشى سىنىپقا بارادى. سەگىز مەكتەپ ءۇش اۋىسىممەن جۇمىس ىستەيتىن بولادى. ستاتيستيكاعا سۇيەنسە, ەلوردا حالقى جىلدام ءوسىپ كەلە جاتىر. وسىدان 10 جىل بۇرىن, ياعني 2008 جىلى قالادا 73 مەكتەپ, 75 مىڭ وقۋشى بولعان ەكەن. بيىل جاڭادان سالىنىپ جاتقان مەكتەپتەردى قوسقاندا قىركۇيەك ايىندا نۇر-سۇلتاندا 111 مەكتەپ بولادى. وعان 183 مىڭ وقۋشى كەلدى. تەك ءبىر جىلمەن سالىستىرار بولساق, بىلتىر 1-سىنىپقا 18 مىڭ وقۋشى بارعان, ال بيىل – 24 مىڭ وقۋشى. ال وتكەن وقۋ جىلىن 6 مىڭ وقۋشى ءبىتىردى. ال ولاردىڭ ورنىنا ءتورت ەسە كوپ وقۋشى كەلگەن.
وبلىس اكىمدەرى, نۇر-سۇلتان, الماتى, شىمكەنت قالالارىنىڭ اكىمدەرى, بارلىق دەڭگەيدەگى جەرگىلىكتى اتقارۋشى ورگانداردىڭ وكىلدەرى دە مەكتەپ لينەيكالارىنا قاتىسۋى جوسپارلانعان.
