2019 جىلدىڭ 7 ايىندا رەسپۋبليكادا ءجىتى "س" ۆيرۋستىق گەپاتيتىنىڭ 35 جاعدايى تىركەلدى. اۋرۋشاڭدىق كورسەتكىشى 100 مىڭ تۇرعىنعا شاققاندا 0,19 قۇرادى. 14 جاسقا دەيىنگى بالالار اراسىندا 12 بالا تىركەلگەن. 100 مىڭ بالاعا شاققاندا 0,23. بالالار اراسىندا جۆگس جاعدايى نۇر-سۇلتان قالاسىندا (6), الماتى قالاسىندا (3), اقمولا, قاراعاندى, شىعىس قازاقستان وبلىستارىندا (1-دەن) تىركەلگەن.
سونىمەن قاتار, سوڭعى 20 جىلداعى ەلىمىزدە جۆگس شالدىققاندار 2,8 ەسەگە (1999 ج. - 229 سل., 2018 ج. - 79 سل.) تومەندەگەنى بايقالادى. كەڭەستە ونكوگەموتولوگيالىق اۋرۋلارى بار بالالار اراسىندا "س" ۆيرۋستىق گەپاتيتىن جۇقتىرعاندار ماسەلەسى دە قارالدى. 7 اي ىشىندە 2019 جىلى انا مەن بالا عىلىمي ورتالىعىندا ەم العان بالالار اراسىندا 13 جاعداي تىركەلگەن. ۆسگ, ونىڭ ىشىندە جۆگس - 6 جاعداي جانە سوزىلمالى ۆيرۋستىق گەپاتيت "س" - 7 جاعداي. گەپاتيت انىقتالعان ابۇعو-نىڭ بالالارى بۇعان دەيىن رەسپۋبليكانىڭ باسقا وڭىرلەرىندەگى مەديتسينالىق ۇيىمداردا ەم العان.
تاۋارلار مەن قىزمەتتەردىڭ قاۋىپسىزدىگىن باقىلاۋ كوميتەتى توراعاسىنىڭ ورىنباسارى نۇرحان سادۋاقاسوۆ اتاپ وتكەندەي, پاتسيەنتتەر اراسىندا "س" گەپاتيتى بويىنشا جۇرگىزىلگەن تەكسەرۋ ونكوگەماتولوگيالىق پاتسيەنتتەر بۇرىن ەمدەلگەن مەديتسينالىق ۇيىمداردا جۇقتىرعانىن كورسەتەدى.
ترانسفۋزيولوگيا عىلىمي-وندىرىستىك ورتالىعىنىڭ ديرەكتورى سانيا ابدراحمانوۆا قازاقستاندا دونورلىق قان قاۋىپسىزدىگىن قامتاماسىز ەتۋ تۋرالى باياندادى. ول ينفەكتسيانىڭ دونورلىق جولمەن بەرىلۋ مۇمكىن ەمەستىگىن اتاپ ءوتتى. ابدراحمانوۆانىڭ ايتۋىنشا, اۋرۋحاناىشىندە, ءينۆازيۆتى ەمشارالاردى جۇرگىزۋ كەزىندە ينفەكتسيالىق باقىلاۋدىڭ قازىرگى زامانعى ستاندارتتارىن ساقتاماۋدىڭ سالدارىنان گەپاتيت «س» جۇقتىرۋ قاۋىپى جوعارى.
وسىعان بايلانىستى نۇر-سۇلتان قالاسىنداعى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى "س" گەپاتيتىن جۇقتىرۋ تۋرالى قورىتىندى شىعاردى.
2019 جىل ىشىندە تتقسبد نۇر-سۇلتان قالاسىندا 3 تەكسەرىس وتكىزىلدى. تەكسەرۋ بارىسىندا دەزينفەكتسيالىق-ستەريلدەۋ رەجيمىنىڭ بۇزىلعانى انىقتالدى. تەكسەرۋ قورىتىندىسى بويىنشا 9 كىنالى تۇلعا اكىمشىلىك جاۋاپكەرشىلىككە تارتىلدى. ايتا كەتۋ كەرەك, باسقا وڭىرلەردىڭ مەديتسينالىق ۇيىمدارىندا بۇعان دەيىن اۋىرعان بالالار ەمدەلىپ, تەكسەرۋ جۇرگىزىلدى جانە انىقتالعان بۇزۋشىلىقتار بويىنشا اكىمشىلىك شارالار قابىلداندى.
دەنساۋلىق ساقتاۋ ءمينيسترى ءبىر اي ىشىندە دسم ۇلتتىق قوعامدىق دەنساۋلىق ورتالىعى تتقسب بىرلەسىپ, CDC حالىقارالىق ساراپشىلارىن جانە باسقا دا ۇيىمداردى تارتا وتىرىپ, ينفەكتسيالىق باقىلاۋ سالاسىنداعى ستاندارتتار مەن بۇيرىقتارعا اۋديت جۇرگىزۋدى جانە بيىل جىل سوڭىنا دەيىن نورماتيۆتىك قۇجاتتاردى قايتا قاراۋدى; ونكوگەماتولوگيالىق اۋرۋلارمەن اۋىراتىن ناۋقاستارعا كومەك كورسەتەتىن مەديتسينالىق ۇيىمداردى جوعارى قاۋىپتى وبەكتىلەرگە جاتقىزۋدى, ال تتقسب ستاندارتتاردىڭ ساقتالۋىن قامتاماسىز ەتۋدى تاپسىردى.
سونىمەن قاتار, بيىلدان باستاپ بارلىق پاتسيەنتتەر ۆيرۋسقا قارسى ءتيىمدى ەممەن قامتىلعانىن اتاپ ءوتۋ قاجەت. 2018 جىلدان باستاپ مينيسترلىك "س" ۆيرۋستى گەپاتيتى بار ناۋقاستاردى ەمدەۋ ءۇشىن "سوفوسبۋۆير" جاڭا جوعارى تەحنولوگيالىق دارىلىك زاتتى ساتىپ الۋعا قارجى بولەدى. بيۋدجەتتىك قاراجاتتى ۇنەمدەۋ ەسەبىنەن جوسپارلانعان 4 مىڭ ادامنىڭ ورنىنا 18 مىڭ ادام ەمدەلەدى.
قازاقستانعا بۇۇدب ءۇش جىلدىق كەلىسىم اياسىندا "س" گەپاتيتىنە قارسى 4,1 ملن اقش دوللارىنا (1,5 ملرد تەڭگە) ءدارى جەتكىزىلەدى.
وسىلايشا, "س" ۆيرۋستى گەپاتيتى بار ناۋقاستار تيىمدىلىگى جوعارى جاڭا "سوفوسبۋۆير+داكلاتاسۆير" ەمدەلۋ مۇمكىندىگىنە يە بولدى (كۋرستىڭ تيىمدىلىگى دالەلدەنگەن جانە 90% جەتەدى). 2018-2019 جىلدارى 21 191 ناۋقاس ەم الادى.
