وسى جۇمىس شەڭبەرىندە جۇرتشىلىقتىڭ, جۇرگىزۋشىلەر وداعى مەن كولىك يەلەرىنىڭ پىكىرلەرىنە تالداۋ جۇرگىزىلدى, ولار تۇنگى ۋاقىتتاردا جانە جول ناشار كورىنەتىن كەزدەرى, اسىرەسە:
- جول-كولىك وقيعالارى كەزىندە كولىك قۇرالدارىن جولدان الۋ جانە كەپتەلىستەردە, سونداي-اق جول-جوندەۋ جۇمىستارىنا بايلانىستى ۋاقىتشا جول قوزعالىسىنا وزگەرتۋ كەزىندە;
- باعدارشامدار ىستەن شىققاندا, سونداي-اق تابيعي جانە تەحنوگەندىك سيپاتتاعى توتەنشە جاعدايلاردا جانە ولاردىڭ سالدارلارىنىڭ الدىن الۋ كەزىندە جول قوزعالىسىن رەتتەۋ ءۇشىن الا تاياقتاردى قايتارۋ ماقساتقا ساي دەپ ەسەپتەيدى.
جۇرتشىلىق رەتتەۋشىنىڭ نۇسقاۋلارى جول قوزعالىسىنا قاتىسۋشىلارعا ءتيىمدى جانە پوليتسيا قىزمەتكرەلەرىنىڭ قاۋىپسىزدىگىن ارتتىرادى دەپ اتاپ ءوتتى.
سونىمەن بىرگە ءىىم جول قوزعالىسى ءتارتىبىن بۇزۋ فاكتىلەرىن انىقتاعان كەزدە قولدانىستاعى ءتارتىپ, ياعني نۇسقاۋ قول ارقىلى بەرىلەدى نەمەسە ارنايى جارىق-دىبىس سيگنالدارى جانە داۋىستاعىش قوندىرعى ارقىلى بەرىلەدى, بۇل رەتتە الا تاياق قولدانىلمايدى.
الا تاياقتاردى قايتارۋ پروتسەدۋراسى زاڭنامالىق وزگەرىستەر مەن ولاردى ساتىپ الۋعا بيۋدجەتتىك شىعىنداردى قاجەت ەتپەيدى.
اعىمداعى جىلعى 1 قىركۇيەكتەن باستاپ الا تاياقتاردى ەنگىزۋ جوسپارلانۋدا.
