رۋحانيات • 31 تامىز، 2019

الىپ شاھار انگە بولەندى

152 رەتكورسەتىلدى

تامىزدىڭ تامىلجىعان ماقپال كەشىن كۇمىس كومەي انشىلەردىڭ سۇلۋ سازىمەن الديلەيتىن ءان مەرەكەسى – «كوكتوبە وپەرا – 2019»  فەستيۆالى جىلداعى داستۇرىمەن مەيماندارعا قۇشاعىن كەڭ اشتى.

تابيعات اياسىندا تانىمال وپەرا جۇلدىزدارىنىڭ اسقاق داۋىسىمەن شىرقالعان اندەرىن تىڭداۋعا جيىلعان جۇرتتىڭ قاراسى دا قالىڭ. ەلىمىز بەن الەمنىڭ ەڭ تانىمال انشىلەرى اشىق اسپان استىندا اباي مەن لاتيف ءحاميديدىڭ ليريكالىق باللادالارىن، ۆەردي، پۋچچيني، روسسيني سەكىلدى ايگىلى يتاليان كومپوزيتورلارىنىڭ ولمەس تۋىندىلارىن، چايكوۆسكي مەن دەبيۋسسيدىڭ  شوقتىعى بيىك شىعارمالارىن بيىك كاسىبي شەبەرلىكپەن ناقىشىنا كەلتىرە ورىندادى. الىپ شاھاردىڭ اسپانىن انگە بولەپ، كورەرمەن كوڭىلىن سەرپىلتكەن فەستيۆالدە مەملەكەتتىك اكادەميالىق سيمفونيالىق وركەسترگە ديريجەرلىك جاساعان قازاقستاننىڭ ەڭبەك سىڭىرگەن قايراتكەرى الان بورىباەۆ: « بۇل – ءداستۇرلى فەستيۆال. جىل سايىن اۋقىمى كەڭەيىپ كەلەدى. بۇگىن بىرنەشە جاڭا تۋىندىنىڭ تۇساۋى كەسىلدى. الماتىلىق تىڭدارمانداردىڭ تالعامى وتە جوعارى. قازىر جاستاردىڭ دا كلاسسيكالىق مۋزىكاعا قىزىعۋشىلىعى ارتىپ كەلەدى. ولار كلاسسيكالىق مۋزىكانى ءسۇيىپ تىڭدايدى. بۇرىن تەك ورتا بۋىننان جوعارى كورەرمەندەر عانا تىڭداسا، قازىر وسىنداي اشىق الاڭداردىڭ ارقاسىندا كلاسسيكالىق مۋزىكا بارىنە دە تۇسىنىكتى بولىپ كەلەدى. بۇل بىزگە شابىت سىيلايدى»، دەيدى.

فەستيۆال ۇيىمداستىرۋشىلارى جىل سايىن وتەتىن ونەر مەرەكەسىن مۇمكىندىگىنشە قايتالاماۋدى قاداعالاپ، جاڭاشا ورنەكپەن ومىرشەڭدىگىن ارتتىرا تۇسۋگە تىرىسادى. ءتورتىنشى رەت وتكىزىلىپ وتىرعان كلاسسيكالىق مۋزىكا فەستيۆالىنىڭ بيىلعى جاڭالىعى – الەمگە تانىمال تەنور يۆان دەفابيانيدىڭ يتاليادان ارنايى شاقىرىلۋى بولدى. ونىڭ ونەرىنە ەلتىمەگەن جان جوق. ول لا-سكالا، ارەنا دي ۆەرون جانە ۆەردي تەاترلارىندا ونەر كورسەتكەن. ول وسى كەشتە «سەۆيل شاشتارازى»، «مادام باتتەرفلياي»، «تۋراندوت» وپەرالارىنان اريالار شىرقادى. «مەنى قازاقستانعا شاقىرعانى ءۇشىن وتە قۋانىشتىمىن. مۇندا العاش رەت كەلۋىم، قالا دا، ادامدارى دا ۇنادى. كورەرمەندەردىڭ ارتىستەردىڭ ونەرىن قۇرمەتتەپ، باعالاۋى ءتىپتى تاڭعالدىردى»، دەيدى يۆان دەفابياني.

 «استانا وپەرا» تەاترىنىڭ ءانشىسى ايزادا كاپونوۆا، جانات باقتاي سەكىلدى ەلىمىزگە ونەرىمەن تانىلعان بەلگىلى ارتىستەرى كورەرمەن الدىندا ۇلتتىق وپەرانىڭ بۇگىنگى دەڭگەيىن وزىق ۇلگىدە دالەلدەي ءبىلدى.

الماتىنىڭ ەڭ كورىكتى جەرىندە كورەرمەندەرگە ارناپ ورىندالعان شىعارمالار بۇرىنعىدان دا اسەرلى بولىپ، ەلىمىزدىڭ مادەني مارتەبەسىن بيىكتەتەتە تۇسەتىن مۋزىكا مەرەكەسىنە تىك تۇرىپ ىقىلاس ءبىلدىردى.

الماتى

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار