الەم • 29 تامىز، 2019

دەليدە ءال-فارابي ءۇيى اشىلدى

43 رەتكورسەتىلدى

«رۋحاني جاڭعىرۋ» مەملەكەتتىك باعدارلاماسىن جانە ەلباسى ن.ءا.نازارباەۆ­تىڭ « ۇلى دالانىڭ جەتى قىرى» اتتى ماقالاسىنىڭ نەگىزگى ويلارىن ىسكە اسى­رۋ ماقساتىندا ءال-فارابي اتىنداعى قازاق ۇلتتىق ۋنيۆەرسيتەتى دەلي قالاسىندا ءال-فارابي ءۇيىن اشتى. قازۇۋ بۇل جوبانى قازاقستان رەسپۋب­ليكاسىنىڭ ۇندىستانداعى ەلشىلىگىنىڭ قولداۋىمەن جۇزەگە اسىردى.

ورتالىقتىڭ اشىلۋ سالتاناتىنا ءۇندىستاننىڭ جاستار ءىسى جانە سپورت ءمينيسترى كيرەن ريدجيجۋ، قازاقستان رەسپۋبليكاسىنىڭ ۇندىستانداعى ەلشىسى بولات سارسەنباەۆ، ءال-فارابي اتىنداعى قازۇۋ رەكتورى، اكادەميك عالىمقايىر مۇتانوۆ، سونداي-اق ۇكىمەت، ىسكەرلىك توپ جانە ۇندىستانداعى ديپلوماتيالىق ميسسيالار، ۋنيۆەرسيتەتتەر، بۇقارالىق اقپارات قۇرالدارى جانە قوعامدىق ۇيىمداردىڭ وكىلدەرى قاتىستى.

ءال-فارابي ءۇيىنىڭ اشىلۋى يۋنەسكو شەڭبەرىندە 2020 جىلى وتكىزىلەتىن ءال-ءفارابيدىڭ 1150 جىلدىق مەرەيتويىن اتاپ ءوتۋ ءىس-شاراسى اياسىندا وتكىزىلۋدە. جاڭادان اشىلعان ءۇي دەلي قالاسىنىڭ ديپلوماتيالىق ورتالىعىندا ورنالاسقان، ول قازاقستان مەن ءۇندىستان اراسىنداعى عىلىم، ءبىلىم جانە مادەنيەت سالالارىندا ىنتىماقتاستىقتى ودان ءارى دامىتۋعا ۇلەس قوساتىن الاڭ بولماق.

جاستار ءىسى جانە سپورت ءمينيسترى كيرەن ريدجيجۋ ەكى ەل اراسىنداعى جان-جاقتى تابىستى ىنتىماقتاستىقتىڭ قارقىندى دامۋىن نازارعا الا وتىرىپ، قازۇۋ-دىڭ ۇندىستانمەن مادەني-گۋمانيتارلىق سەرىكتەستىكتى نىعايتۋعا قوسقان ۇلەسىن جوعارى باعالادى. سونىمەن بىرگە ول ءال-فارابي ءۇيىنىڭ اشىلۋى ءوزارا ءتيىمدى سەرىكتەستىكتى نىعايتۋعا باعىتتالعان بىرلەسكەن جوبالاردى جۇزەگە اسىرۋدىڭ جاڭا مۇمكىندىكتەرىن اشۋعا ىقپال ەتەتىنىنە سەنىم ءبىلدىردى.

ء«ۇندىستاندا ءال-فارابي ءۇيىنىڭ اشىلۋى – ءبىزدىڭ دوستىققا ۇمتىلعان ەلدەرىمىزدى بىرىكتىرەتىن ماڭىزدى ءىس-شارا. قازىرگى الەمدىك داعدارىس، مادەني جانە رۋحاني قۇندىلىقتاردىڭ جۇتاڭدانعان جاعدايىندا، وركەنيەت فيلوسوفىنىڭ شىعارماشىلىق مۇراسى مەن عىلىمي ويلارى ادامزاتتىڭ ودان ءارى دامۋى ءۇشىن اسا ماڭىزدى»، دەپ اتاپ ءوتتى ءوز سوزىندە ءال-فارابي اتىنداعى قازۇۋ رەكتورى ع.مۇتانوۆ.

ءىس-شارا بارىسىندا ءال-فارابي اتىنداعى قازۇۋ-دە ءۇش تىلدە جارىق كورگەن ماحاتما گاندي تۋرالى «گانديدىڭ وي-پىكىرلەرى مەن ناقىل سوزدەرى» كىتابىنىڭ تۇساۋكەسەرى ءوتتى.

قازۇۋ ءال-ءفارابيدىڭ شىعارماشىلىق مۇراسىن ناسيحاتتاۋدا بەلسەندى جۇمىس اتقارىپ كەلەدى. تۇركيا، يوردانيا، يتاليا، قىتاي، مىسىر، بولگاريا جانە باسقا دا ەلدەردىڭ جەتەكشى ۋنيۆەرسيتەتتەرىندە 12 ءال-فارابي عىلىم جانە ءبىلىم بەرۋ ورتالىقتارى اشىلىپ، تابىستى جۇمىس جاساۋدا. اتالعان ورتالىقتاردا قازاق ءتىلىن وقىتۋمەن قاتار،  قازاق حالقىنىڭ مادەنيەتى مەن ءداستۇرى ناسيحاتتالۋدا.

قازاقستاننىڭ جەتەكشى ۋنيۆەرسيتە­تىنىڭ ۇندىستانداعى سەرىكتەستەرىمەن ىن­تىماقتاستىعى مادەني-گۋمانيتارلىق باعىتتا عانا ەمەس، سونىمەن قاتار جوعارى تەحنولوگيالار سالاسىندا دا قارقىندى دامۋدا. ايتا كەتەرلىك جايت، قازۇۋ-دىڭ جاس عالىمدارى قۇراستىرعان  العاشقى وتاندىق ء«ال-فارابي-1» نانو-سپۋتنيگى ۇندىستانداعى ساتيش-دحاۆان عارىش ورتالىعىنان ۇشىرىلعان.

ءىسساپار اياسىندا ءال-فارابي اتىنداعى قازۇۋ رەكتورى ع.مۇتانوۆ ءۇندىستان ۇكىمەتىنىڭ كيبەرقاۋىپسىزدىك بويىنشا ۇلتتىق ۇيلەستىرۋشىسى، گەنەرال-لەيتەنانت راجەش پانت جانە دەلي ۋنيۆەرسيتەتىنىڭ رەكتورى، دوكتور يۋگەش تيادجيمەن كەزدەستى. كەلىسسوزدەر بارىسىندا ورتالىق قۇرۋ جانە كيبەرقاۋىپسىزدىك سالاسىنداعى مامانداردى بىرلەسىپ دايارلاۋ، ءوزارا قىزىعۋشىلىق تۋدىراتىن سالالار بو­يىنشا عىلىمي-يننوۆاتسيالىق جانە ءبىلىم بەرۋ جوبالارىن جۇزەگە اسىرۋ ماسەلەلەرى تالقىلاندى. 

 

الماتى

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار