سالتاناتتى راسىمگە قوعامدىق بىرلەستىكتەردىڭ وكىلدەرى, قالا تۇرعىندارى كوپتەپ جينالدى. اۋقىمدى ىستەردى مەجەلەپ وتىرعان فيليال العاشقى ساتتەن-اق ەلدى ەلەڭ ەتكىزدى. الدىمەن «مەكتەپكە جول» اكتسياسى اياسىندا بىرنەشە بالاعا وقۋعا قاجەتتى قۇرال-جابدىقتار تارتۋ ەتىلدى. نۇر-سۇلتان قالاسى مەن اقمولا وبلىسى فيليالدارىنىڭ باسشىسى قارلىعاش بەكپاتشاقىزىنىڭ ايتۋىنشا, باستى ماقسات الىستان كەلگەن اعايىن مەن بايىرعى تۇرعىندار اراسىنداعى بايلانىستى نىعايتۋ. تورتەۋ تۇگەل جەردە توبەدەگى كەلەدى ەمەس پە؟ قاجەت بولىپ جاتسا جاردەم سۇراي كەلگەن قانداستارعا دا قامقورلىق كورسەتپەك. ماسەلەن, قۇجات راسىمدەۋدەن باستاپ, تىرشىلىكتەگى سانالۋان تۇيتكىلدەردى شەشۋگە كەلەلى كەڭەس بەرۋ دە كوزدەلگەن.
اقمولا وبلىستىق ىشكى ساياسات باسقارماسى باسشىسىنىڭ ورىنباسارى سابىرحان كەنجەباەۆ, «جەبەۋ» رەسپۋبليكالىق قوعامدىق بىرلەستىگىنىڭ باسشىسى ءومارالى ادىلبەك جانە باسقا دا جاناشىر ادامدار بۇل باستاما الداعى اۋقىمدى شارالاردىڭ نەگىزىن قالايتىندىعىنا سەنىم ءبىلدىردى.
