ورتالىقتىڭ بەل ورتاسىندا ورنالاسقان گولوگراممادان ءتورت ءوڭىردىڭ بەلگىلى وكىلدەرىنىڭ ورىنداۋىندا تانىمال ءان-كۇيلەر مەن جىرلاردى تىڭداي الاسىز. كەلەسى مۋلتيمەديالىق زال ارقىلى قازاق حالقىنىڭ سان عاسىرلىق ونەرى مەن مادەنيەتىنە ساياحاتتاي وتىرىپ, ءار وڭىردە ساقتالعان مۋزىكالىق ونەرىمىز بەن باي رۋحاني-مادەنيەتىمىزدىڭ تەرەڭ تاريحىمەن تانىساتىن بولاسىز.
ءداستۇرلى مۋزىكا ورتالىعى ەكسپوزياسىن قۇرايتىن جادىگەرلەردىڭ سانى بۇگىندە سەكسەنگە جۋىق. ورتالىق ەكسپوزياسى ىقىلاس اتىنداعى حالىق مۋزىكالىق اسپاپتار مۋزەيى قورىندا ساقتاۋلى تۇرعان قازاقتىڭ تانىمال ونەر تۇلعالارىنىڭ جادىگەرلەرىنەن جاساقتالدى. ەكسپوناتتار قازاقتىڭ بەلگىلى ونەر تۇلعالارىنىڭ جادىگەرلەرىنەن تۇرادى. ەكسپوناتتار وڭىرلىك ءتورت مەكتەپكە جىكتەلىپ ورنالاسقان: ارقا انشىلىك, سال-سەرىلىك جانە كۇيشىلىك مەكتەبىنىڭ اسپاپ جادىگەرلەرى; جەتىسۋ انشىلىك, جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى; باتىس انشىلىك, جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى; وڭتۇستىك جانە سىر بويى انشىلىك, جىراۋلىق-جىرشىلىق جانە كۇيشىلىك مەكتەبىنىڭ اسپاپ جادىگەرلەرى. ءبىزدىڭ ورتالىقتا جەتىسۋدىڭ جۇيرىكتەرى جامبىل مەن كەنەننىڭ, سىردىڭ ساڭلاقتارى نارتاي مەن مىرزابەكتىڭ (قىزىل جىراۋ), باتىس ءان-كۇي مەكتەبىنىڭ كورنەكتى وكىلدەرى دينا مەن ماحامبەتتىڭ, ارقا انشىلىك مەكتەبىنىڭ تۇلعالارى اباي مەن ءبىرجان سالدىڭ دومبىرالارى بار. سونىمەن قاتار, بۇل ورتالىقتى ەلباسىمىز ءوزى قولداپ, ارنايى ءوزى كەلىپ اشىپ بەرگەن بولاتىن. ءوزىنىڭ قولىمەن دومبىراسىن سىيلاپ, بەلگىلى كۇيشى دينا نۇرپەيىسوۆانىڭ ءمۇسىنىن ورتالىققا سىيعا تارتتى.
الماتى
