رۋحانيات • 27 تامىز, 2019

الماتىدا « ۇلى حالىقتىڭ ۇلى ابايى» كورمەسى ۇيىمداستىرىلدى

860 رەت

كورسەتىلدى

1 مين

وقۋ ءۇشىن

«قازاقستان كىتاپتارى» وقۋ زالىندا قازاق حالقىنىڭ ۇلى اقىنى, قارا ءسوزدىڭ حاس شەبەرى, فيلوسوف, قازاق ادەبيەتىنىڭ ىرگەتاسىن قالاعان العاشقى كلاسسيگى اباي قۇنانباەۆقا ارنالعان « ۇلى حالىقتىڭ ۇلى ابايى» اتتى كىتاپ كورمەسى ۇيىمداستىرىلدى.

ەلۆيرا سەرىكقىزى

الماتىدا « ۇلى حالىقتىڭ ۇلى ابايى» كورمەسى ۇيىمداستىرىلدى

كورمەدە ابايدىڭ ءومىرى مەن شىعارماشىلىعى, ەڭبەكتەرى مەن تانىمال تۇلعالاردىڭ اقىن تۋرالى جازىلعان ماقالالارى ۇسىنىلعان.

كورمەگە ۇسىنىلعان جادىگەرلەردىڭ ارقايسىسى ءوز تاريحىمەن قۇندى. ولاردىڭ قاتارىندا ابايدىڭ العاشقى ولەڭدەرىنىڭ ىشىندە شىعىس كلاسسيكالىق پوەزياسىنىڭ اسەرىمەن جازىلعان ليريكالىق ولەڭدەرى, حالىق پوەزياسى ستيلىندە, سول كەزدەگى سۋىرىپ سالما اقىنداردىڭ شىعارماشىلىعى رۋحىندا قۇرىلعان تاڭعاجايىپ ولەڭدەرىمەن قاتار (170-كە جۋىق ولەڭدەر مەن 56 اۋدارمالار, جازباشا ولەڭدەر, ناقىل سوزدەر) قارا سوزدەرى بار. ابايدىڭ ادەبي-ەستەتيكالىق مۇراسى – قازاق حالقىنىڭ ۇلتتىق ماقتانىشى. كورنەكتى اقىن جانە اعارتۋشى ابايدىڭ مۇراسى ەلىمىزدىڭ ادەبيەتى, مۋزىكاسى جانە بەينەلەۋ ونەرى قورىندا ساقتالعان.

الماتى