سۋرەتتى تۇسىرگەن: ۆالەري بۋگاەۆ
شاعىن اۋداندا قۇرىلىسى ءجۇرىپ جاتقان №27 تۇرعىن ءۇي «تۇرعىن ءۇي قۇرىلىس جيناق بانكى» سالىمشىلارىنا ارنالعان. قازىر قۇرىلىستى «سك-سترويتەل» كومپانياسى جالعاستىرۋدا. ينجەنەرلىك جەلىلەر تارتىلۋدا. قىركۇيەك ايىنىڭ سوڭىندا ءۇيدى پايدالانۋعا بەرىلمەك.
قۇرىلىس ماتەريالدارى, جۇمىس كۇشى, قارجى – ءبارى بار. قارقىنىن ۇدەتۋ قاجەت. ءار مامان ءبىر-ءبىر ۇيگە جاۋاپتى بولىپ, جۇمىس كۇنىن وسى الاڭنان باستاۋى كەرەك, - دەدى قۇرىلىستى ارالاعان وبلىس اكىمى ب.باقاۋوۆ.
ال «استانا كوكتەم-س» كومپانياسى شاعىن اۋدانداعى №11 ءۇيدىڭ قۇرىلىسىن وسى جىلدىڭ ماۋسىم ايىندا باستاعان. جەلتوقسان ايىنا دەيىن ءۇيدى پايدالانۋعا بەرەدى.
وبلىس ورتالىعىندا دوستىق جانە اۋەجاي قالاشىعى اۋداندارى 16 قاباتتى تۇرعىن ۇيلەرىنىڭ قۇرىلىسى جالعاسۋدا. اۋەجاي ماڭىنداعى ۇيلەردىڭ ءبىر شارشى مەترى 120 مىڭ تەڭگە شاماسىندا بولماق. ولاردى «7-20-25» باعدارلاماسى مەن «تۇرعىن ءۇي قۇرىلىس جيناق بانكى» ارقىلى الۋعا بولادى.
تۇرعىن ۇيلەر وبليگاتسيالىق قارىز ەسەبىنەن, ءبىر شارشى مەترى 130-160 مىڭ تەڭگەگە سالىنۋدا. مەملەكەتتىك باعدارلاما اياسىندا ءبىر شارشى مەترى 120 مىڭ تەڭگەگە ساتىلادى.
قازىر 73 پاتەرلى 55 ءۇي سالىنۋدا, ونىڭ تورتەۋى جىل سوڭىنا دەيىن اياقتالادى.
پاۆلودار
