ايماقتار • 26 تامىز، 2019

«ۇلكەن جەتىلىك» ەلدەرى امازونياداعى ءورتتى سوندىرۋگە كومەكتەسەدى

85 رەت كورسەتىلدى

«ۇلكەن جەتىلىك» ەلدەرى برازيليالىق قۇتقارۋشىلارعا امازونيا اۋماعىنداعى ورمان ورتتەرىن سوندىرۋدە كومەك قولىن سوزۋعا ۋادەلەستى دەپ حابارلايدى قازاقپارات Euronews.com-عا سىلتەمە جاساپ.

فرانتسيا پرەزيدەنتى ەممانۋەل ماكرون كوشباسشىلار اراسىندا كەلىسىم جاسالىپ قويعانىن، الايدا ارەكەتتەردىڭ ناقتى باعدارلاماسىن ازىرلەۋ كەرەك ەكەنىن ءمالىم ەتتى.

برازيليالىق قۇتقارۋشىلار بىرنەشە اپتادان بەرى ءورتتى سوندىرە الماي جاتىر، ال ولاردىڭ سانى كۇن ساناپ ارتۋدا. بۇعان دەيىن جەتى شتات ءتىلسىز جاۋدى ءوز بەتتەرىنشە سوندىرە المايتىندارىن مويىنداپ، اسكەري قىزمەتكەرلەردەن كومەك سۇراعان. ناتيجەسىندە برازيليالىق بيلىك وكىلدەرى بىرنەشە باتىس ەلدەرىنىڭ قىسىمىمەن ءورتتى اۋىزدىقتاۋعا 40 مىڭنان استام اسكەري مەن اۋە تەحنيكاسىن جىبەردى.

قاڭتار ايىنان بەرى برازيليادا 80 مىڭعا جۋىق ءورت تىركەلدى. بۇل – 2013 جىلدان بەرگى ەڭ جوعارى كورسەتكىش. الايدا سوڭعى كۇندەرى انگولادا جانە كونگو دەموكراتيالىق رەسپۋبليكاسىندا جاعداي الدەقايدا ۋشىعىپ تۇر. وتكەن اپتادا جاريالانعان سپۋتنيكتىك مالىمەتتەرگە سايكەس، ەكى تاۋلىكتە برازيليادا 2 مىڭنان استام، كدر-دا 3 مىڭنان استام، انگولادا 7 مىڭعا جۋىق ورمان ورتتەرى تىركەلگەن.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار