وبلىستىق اۋىل شارۋاشىلىق باسقارماسىنىڭ باسشىسى ساعىنجان اپاقاشوۆتىڭ ايتۋىنشا, بيىلعى ءونىمنىڭ ءتۇسىمى جالپى العاندا جامان بولمايتىن ءتۇرى بار.
– تامىز ايىنىڭ باسىندا استىق وسىرۋمەن اينالىساتىن اباي, بۇقار جىراۋ, وساكاروۆ, نۇرا سىندى اۋدانداردىڭ القاپتارىن ارالاپ شىقتىق. جيىن-تەرىم جۇمىستارىنا دايىندىقپەن جانە اۋىل شارۋاشىلىق داقىلدارى ەگىستىگىنىڭ جاي-كۇيىمەن تانىستىق. ءداندى داقىلداردىڭ تۇرلىك ونىمدىلىگى جامان ەمەس. الايدا, شىلدەدە جانە تامىزداعى قولايسىز ىستىق اۋا رايى استىقتىڭ تولىسۋىنا كەرى اسەرىن تيگىزدى.
بيىل بيداي 631 مىڭ گەكتاردان, ارپا 200 گەكتاردان, س ۇلى 16 مىڭ گەكتار القاپتان جينالادى. مايلى داقىلدار بولسا, 24 مىڭ گەكتار القاپقا ەگىلگەن. سونداي-اق, كارتوپ 10.4 گەكتاردان, باسقا كوكونىس تۇرلەرى 1,5 مىڭ گەكتار القاپتان جينالادى.
وبلىس بويىنشا استىق جيناۋ جۇمىستارىنا 2 344 كومباين, كارتوپ جينايتىن 60 جانە كارتوپ قازاتىن 72 كومباين جۇمىلدىرىلادى.
وبلىس اكىمى كەلەسى جىلى كارتوپ, قىرىققابات, پياز جانە ءسابىز ەگەتىن القاپتاردى ۇلعايتۋ كەرەك دەپ سانايدى.
– بىزدە كوكونىستەرگە سۇرانىس جوعارى, ولاردى ساقتاۋ مۇمكىندىگى بار. سونداي-اق, كوكونىس قورى قىسقى جانە كوكتەمگى كەزەڭدە ولاردىڭ باعاسىنىڭ ءوسۋىن باقىلاۋعا مۇمكىندىك بەرەدى, – دەدى ەرلان قوشانوۆ.
استىق جيناۋ ناۋقانىن ءوڭىر باسشىسى ءوزىنىڭ تىكەلەي باقىلاۋىنا الاتىنىن مالىمدەدى.
قاراعاندى وبلىسى
