كسرو-نىڭ ازيالىق بولىگىنىڭ وڭتۇستىك-باتىسىندا ورنالاستى, سولتۇستىگىندە ركفسر-مەن, وڭتۇستىگىندە تۇرىكمەن كسر-مەن, وزبەك كسر-مەن جانە قىرعىز كسر-مەن, شىعىسىندا قىتايمەن شەكتەستى, باتىسىندا كاسپي تەڭىزى. قازاق كسر-ى — جەر كولەمى جاعىنان ركفسر-دەن كەيىنگى ەكىنشى, حالقىنىڭ سانى جاعىنان ركفسر مەن ۋكراينادان كەيىنگى ءۇشىنشى وداقتاس رەسپۋبليكا بولدى. جەرى 2724,9 مىڭ كم². استاناسى — الماتى قالاسى. اكىمشىلىك جاعىنان 19 وبلىسقا, 210 اۋدانعا ءبولىندى, 82 قالاسى بولدى.
قازاق كسر — جۇمىسشىلار مەن شارۋالاردىڭ سوتسياليستتىك مەملەكەتى, كسرو قۇرامىنا كىرەتىن وداقتاس كەڭەستىك سوتسيالدى رەسپۋبليكا. كونستيتۋتسياسى قازاق كسر كەڭەستەرىنىڭ توتەنشە 10-سەزىندە 1937 ج. 26 ناۋرىزدا بەكىتىلگەن. مەملەكەت وكىمەتتىڭ جوعارى ورگانى — ءبىر پالاتالى قازاق كسر جوعارعى كەڭەسى, ونى حالىق 27 مىڭ تۇرعىننان ءبىر دەپۋتات ەسەبىمەن 4 جىلعا سايلاناتىن. جوعارعى كەڭەستىڭ سەسسيالارى ارالىعىنداعى مەملەكەت وكىمەتتىڭ جوعارى ورگانى — قازاق كسر جوعارعى كەڭەسىنىڭ پرەزيديۋمى بولىپ تاعايىندالعان. جوعارعى كەڭەس رەسپۋبليكا ۇكىمەتىن — قازاق كسر مينيسترلىك كەڭەسىن قۇردى, قازاق كسر زاڭدارىن قابىلدادى. وبلىستار مەن اۋدانداردا, قالالاردا, اۋىلداردا ەڭبەكشىلەر دەپۋتاتتارىنىڭ تيىستى كەڭەستەرى وكىمەتتىڭ جەرگىلىكتى ورگاندارى بولىپ تابىلاتىن. ولاردى حالىق 2 جىلعا سايلايتىن. كسرو جوعارعى كەڭەسىنىڭ ۇلتتار كەڭەسىنە قازاق كسر-ى 32 دەپۋتات جىبەرگەن. جوعارى سوت ورگانى — قازاق كسر جوعارعى كەڭەسى 5 جىلعا سايلايتىن جوعارعى سوت. ونىڭ قۇرامىندا 2 سوت كوللەگياسى (ازاماتتىق جانە قىلمىستىق ىستەر بويىنشا) جانە پلەنۋم بار. سونىمەن قاتار جوعارعى سوتتىڭ پرەزيديۋمى قۇرالدى. قازاق كسر پروكۋرورىن كسرو باس پروكۋرورى 5 جىلعا تاعايىندالاتىن بولعان.
