كەزدەسۋ كەزىندە قالا باسشىسى «جاڭا الماتى» باعدارلاماسى بويىنشا مەگاپوليستى دامىتۋدىڭ جوسپارلارىمەن ءبولىستى: اۋداندا جاڭا ەمحانا سالىنادى, پوليتسيانىڭ تاۋلىك بويىنا جۇمىس جاسايتىن جىلجىمالى پۋنكتى بولادى, 200 جاڭا اۆتوبۋس الىنادى, تروللەيبۋستار سانى ارتادى.
قالا اكىمى تۇيتكىل ماسەلەنى كوتەردى, اۆتوبۋس جۇرگىزۋشىلەرى بىلىكتىلىگىنىڭ تومەن ەكەنىن اتاپ ءوتتى.
ەڭبەكپەن قامتۋ دا كوكەيكەستى ماسەلەنىڭ ءبىرى. ونى شەشۋ ءۇشىن بيىلعى جىلدىڭ قىركۇيەك ايىنان باستاپ جاستاردى جاڭا كاسىپتەرگە باۋلۋ جوسپارلانعان.
«تۇرعىندار پروبلەمالارىن بىرتىندەپ شەشەتىن بولامىز. كۇردەلىلىگىنە قاراي», دەپ اتاپ ءوتتى اكىم.
قالا باسشىسى بالالار مەن جاستارعا قاتىستى وبەكتىلەردى مودەرنيزاتسيالاۋدى ۇسىندى, ولار: كىتاپحانالار, سپورت الاڭدارى ءارى ءار اۋداندا وقۋشىلار سارايلارىن اشۋ قاجەت. لماتى اكىمى باقىتجان ساعىنتاەۆ قالالىق ءماسليحات دەپۋتاتتارىمەن كەزدەسۋدە قالانىڭ جارتى جىلدىق دامۋىنىڭ ناتيجەسىن قورىتىندىلاپ, كەلەر جارتىجىلدىقتاعى جوسپاردى پىسىقتادى. جيىن بارىسىندا قالا باسشىسى وڭتۇستىك استانانىڭ دامۋىندا باسىمدىق بەرىلەتىن باعىتتاردى اتادى.
قۇزىرلى ورگانداردىڭ مالىمەتىنە سۇيەنسەك, بارلىق سالادا وڭ ديناميكا ساقتالعان. ونەركاسىپ, اۋىل شاۋارشىلىعى, قۇرىلىس, ساۋدا, كولىك, بايلانىس سالالارىندا قىسقا مەرزىمدى ەكونوميكالىق ينديكاتور 104%-عا جەتتى. ينۆەستيتسيالار كولەمى 8%-عا, ونەركاسىپتىك ءوندىرىس 5,2%-عا, قۇرىلىس - 3,9%, باسپانا بەرۋ 2%عا ارتتى. بيىلدىڭ وزىندە 1 ترلن-عا جۋىق سالىق جينالدى. شوب سۋبەكتىلەرىنىڭ ءونىم ءوندىرىسى 9,8%-عا ءوستى. ءبىرىنشى جارتى جىلدىق قورىتىندىسى بويىنشا ءجاو 3,5%-عا جەتتى.
سونداي-اق, باقىتجان ساعىنتاەۆ قالادا شەشىلمەگەن پروبلەما جەتكىلىكتى ەكەندىگىن ايتتى.
«الماتى قالاسى ءماسليحاتى تۇراقتى كوميسسيالارىنىڭ العاشقى بىرلەسكەن وتىرىسىن وتكىزدىك. قالالىقتاردىڭ تابىس دەڭگەيى مەن ءومىر ءسۇرۋ ساپاسىن ارتتىرۋ ءۇشىن جۇزەگە اسىرىلۋى ءتيىس كەزەك كۇتتىرمەيتىن مىندەتتەر مەن باعىتتار بويىنشا ءوزىمنىڭ وي-پىكىرىمدى ورتاعا سالدىم. باستى مىندەتتەر: لايىقتى جالاقىسى بار جۇمىس ورىندارىن اشۋ, ءبىرىنشى كەزەكتە قاجەت ازىق-ت ۇلىك ونىمدەرىنىڭ باعاسىن نەگىزسىز وسىرۋگە جول بەرمەۋ. ىقپال ەتۋ تەتىكتەرىن جەتە انىقتاۋ ءۇشىن باعا قويۋ ىسىنە تەرەڭ ساراپتاما جۇرگىزۋدى تاپسىردىم. كوممۋنالدىق قىزمەتتەر تاريفتەرى دە قاتاڭ باقىلاۋدا. سونىمەن قاتار, قوعامدىق قاۋىپسىزدىكتى قامتاماسىز ەتۋ, كاسىپكەرلىكتى دامىتۋ, ەكولوگيا مەن دەنساۋلىق ساقتاۋ ماسەلەلەرى باستى نازاردا», - دەپ جازدى قالا اكىمى facebook-تەگى پاراقشاسىندا.
«الماتىنى «شەتسىز قالا» تۇجىرىمداماسى بويىنشا دامىتۋ نەگىزگى تۇجىرىمداما بولىپ قالا بەرەدى. شەت ايماقتا تۇراتىندار ورتالىقتىڭ تۇرعىندارى سياقتى ساپالى قىزمەتتەردى الۋى ءتيىس.
قالانىڭ شەتى مەن ورتالىعىنىڭ اراسىنداعى ايىرماشىلىقتى ازايتۋ باستى باعىت. شەتتەگى حالىق ورتالىقتاعى حالىقتىڭ قولى جەتىپ وتىرعان قىزمەتتەردىڭ ءبارىن الۋى ءتيىس», - دەپ وي وربىتەدى اكىم.
سونداي-اق, شاھار باسشىسى ورتالىق اۋدانداردى جوندەۋگە 65 ملرد تەڭگە, ال شەتكى اۋداندارعا 15,5 ملرد تەڭگە جۇمسالعان. ولاردا سۋ, گاز, كوشەنى جارىقتاندىرۋ جۇيەسى جوقتىعىن تىلگە تيەك ەتكەن.
ء«بىزدىڭ ماقسات جاقىن ارادا قالانىڭ شەت اۋداندارىنداعى ءومىر ساپاسىن ارتتىرۋ. جۇمىس ورىندارىن اشۋ, الەۋمەتتىك نىساندار سالۋ, شوب سۋبەكتىلەرىن ىنتالاندىرۋ», - دەپ جازادى باقىتجان ساعىنتاەۆ.
جىل سوڭىنا دەيىن قالانى تولىق سۋ, گاز, جىلۋمەن قامتۋ, اۋلالاردى اباتتاندىرۋدى اياقتاۋ, مەكتەپتەگى ورىن تاپشىلىعىن شەشۋ كوزدەلگەن.
كەزدەسۋگە قاتىسقانداردىڭ باسىم كوپشىلىگى جەكە وزدەرىنە ءارى جالپى اۋدانعا قاتىستى پروبلەمالاردى كوتەردى. ب. ساعىنتاەۆ ولاردى مۇقيات تىڭداپ, ءتيىستى ۆەدومستۆالارعا تاپسىرمالار بەردى.
