قالا باسشىسى كەيبىر جۇرگىزۋشىلەردىڭ اۆتوپاركتە تۇنەيتىندەرىن ايتىپ, ونىڭ سالدارى قيىن جاعدايلارعا اپارۋى مۇمكىن ەكەنىن جەتكىزدى.
ونىڭ ايتۋىنشا, اۆتوپاركتەردە بىلىكتى جۇرگىزۋشىلەردىڭ تاپشىلىعى بايقالادى. سوندىقتان دا ولار جۇرگىزۋشى بولۋعا نيەت بىلدىرگەن كەز كەلگەن ادامدى جۇمىسقا قابىلداۋعا ءماجبۇر.
«اۆتوپاركتەر بارلىعىن جۇمىسقا قابىلداي بەرەدى. ويتكەنى جۇرگىزۋشى تاپشى», دەدى قالا اكىمى.
سونىمەن قاتار, باقىتجان ساعىنتاەۆ قالادا اۆتوبۋستار دا جەتىسپەيتىنىن اتاپ ءوتتى. الايدا, ول بۇل ماسەلە بويىنشا جۇمىس جاسالىپ جاتقانىن, جاقىن ارادا قالادا جاڭا 200 اۆتوبۋس پايدا بولاتىنىن حابارلادى.
ەسكە سالا كەتەيك, بۇدان بۇرىن ءال-فارابي داڭعىلى مەن شىعىس اينالمالى جولىنداعى جىلدامدىقتى قايتادان ساعاتىنا 80 شاقىرىمعا وزگەرتۋ جوسپارلانعانى حابارلانعان.
بۇل تۋرالى قالا باسشىسى ءوزىنىڭ الەۋمەتتىك جەلىدەگى پاراقشاسىندا جازعان ەدى.
الماتى
