2010-2018 جىلدار ارالىعىندا 30 جوبا ىسكە اسىرىلدى, 3 مىڭنان استام جۇمىس ورنى قۇرىلدى, اتالعان جوبالاردى ىسكە اسىرۋعا سالىنعان ينۆەستيتسيا كولەمى 45 ملرد تەڭگەنى قۇرادى.
يندۋستريالىق باعدارلامانىڭ ءبىرىنشى بەسجىلدىعى اياسىندا, سالاعا تارتىلعان ينۆەستورلار پولشا, تۇركيا, قىتاي جانە رەسەي مەملەكەتتەرى. ءبىرىنشى بەسجىلدىقتىڭ قورىتىندىسى بويىنشا فارماتسەۆتيكا ونەركاسىبىندە 28,8 ملرد تەڭگە سوماسىنا 3000-نان استام تۇراقتى جۇمىس ورىندارىن قۇرۋمەن 24 جاڭا جوبا ىسكە اسىرىلدى.
سالانىڭ ەڭ ماڭىزدى جوبالارى شىمكەنت قالاسىندا «حيمفارم» اق-دا وندىرىستىك قۋاتتاردى كەڭەيتۋ, الماتى قالاسىندا ءدارى-دارمەك ءوندىرۋ جونىندەگى فارماتسەۆتيكالىق فابريكانى جاڭعىرتۋ, الماتى وبلىسىندا «ەلەاس» فارماتسەۆتيكالىق زاۋىتىن سالۋ, الماتى وبلىسىندا «سۇلتان» جشس فارماتسەۆتيكالىق زاۋىتىن سالۋ, پاۆلودار وبلىسىندا «مەرۋسار ي ك» جشس يسو 13485-2003 حالىقارالىق ستاندارتىنا سايكەس اسسورتيمەنتتى ارتتىرۋ ارقىلى جۇمىس ىستەپ تۇرعان ءوندىرىستى كەڭەيتۋ بولىپ تابىلادى.
سونىمەن قاتار ەكىنشى بەسجىلدىقتىڭ قورىتىندىسى بويىنشا 16,2 ملرد تەڭگە سوماسىنا 6 جوبا ىسكە قوسىلىپ, 400-دەن استام جۇمىس ورنى اشىلدى. وسىلايشا, الماتى وبلىسىندا «ابديبراحيمگلوبالفارم» بك جشس فارماتسەۆتيكالىق زاۋىتىنىڭ قۇرىلىسى, «قاراعاندى فارماتسەۆتيكالىق كەشەنى» جشس قاراعاندى فارماتسەۆتيكالىق كەشەنىنىڭ ءۇشىنشى كەزەگىنىڭ قۇرىلىسى, الماتىدا بيكاربوناتتىق كارتريدجدەر ءوندىرىسى ىسكە قوسىلدى, شىمكەنت قالاسىندا «Marai E7group» جشس مەديتسينالىق ماقساتتاعى بۇيىمدار شىعاراتىن زاۋىتتىڭ قۇرىلىسى, الماتى وبلىسىندا قۋاتى 200 ملن تابلەتكا وندىرەتىن «حيمفارم» اق-دا قاتتى پەرورالدى فورمالار وندىرەتىن تسەح ءوز جۇمىسىن باستادى, شىمكەنتتەگى «حيمفارم» اق-دا ينەكتسيالىق جانە ينفۋزيالىق پرەپاراتتار ءوندىرۋ تسەحىنىڭ بازاسىندا ستەريلدى ەمەس ەرىتىندىلەر ءوندىرىسى باستالدى.
وسى جوبالاردىڭ بارلىعى ەلىمىزدە بۇرىن وندىرىلمەگەن فارماتسەۆتيكالىق ءونىمنىڭ اسسورتيمەنتىن كەڭەيتۋگە جانە فارماتسەۆتيكالىق ءونىم ەكسپورتىنىڭ كولەمىن 2 ەسەگە ارتتىرۋعا مۇمكىندىك بەردى.
سونىمەن قاتار 2018 جىلى «حيمفارم» اق ينەكتسيالىق جانە ينفۋزيالىق پرەپاراتتار ءوندىرۋ تسەحىنىڭ بازاسىندا ستەريلدى ەمەس ەرىتىندىلەردىڭ جاڭا ءوندىرىسىن ىسكە قوستى. جاڭا جەلىدە دارىلىك زاتتاردىڭ نومەنكلاتۋراسىن ۇلعايتۋ مۇمكىندىگى بار 7 پرەپارات شىعارىلادى. قۋاتى جىلىنا 3 ملن بوتەلكە پرەپاراتتارىن شىعارۋعا مۇمكىندىك بەرەدى.
2019 جىلى كومپانيا ىلعالدى تۇيىرشىكتەۋ ۋچاسكەسىن ىسكە قوسۋدى جانە زەرتحانالاردى GMP ستاندارتىنا سايكەس جاڭعىرتۋدى جوسپارلاپ وتىر.
