ايماق باسشىسى قۇمار اقساقالوۆ جارىلىستان زارداپ شەككەن جۇرتشىلىققا بارىپ, قايىرىمدىلىق شارالارى جالعاساتىنىن مالىمدەگەن-ءدى. ىلە-شالا قۇرىلىسشىلار تۇركىستان وبلىسىنا اتتانىپ, «وڭتۇستىك» شاعىن اۋدانىن قالپىنا كەلتىرۋگە بەلسەنە كىرىستى. بۇل اۋماقتا 371 ءۇي ورنالاسسا, 198-ءى زاقىمدانعان. وبلىس اكىمىنىڭ ورىنباسارى انتون فەدياەۆ جەتەكشىلىك ەتكەن شتاب قۇرامىنا قۇرىلىس, مەملەكەتتىك ساۋلەت-قۇرىلىس باقىلاۋ, توتەنشە جاعدايلار, تاعى باسقا دەپارتامەنتتەر مەن باسقارمالاردىڭ وكىلدەرى ەنىپ, جەرگىلىكتى جاعدايمەن جەتە تانىسقان سوڭ تاپسىرمالاردى دەر كەزىندە ءارى ساپالى ورىنداۋدىڭ ءىس-قيمىل جوسپارىن ءتۇزدى. بۇل بويىنشا جۇكتەلگەن مىندەتتەر تولىعىمەن اتقارىلدى.
قۇرىلىس باسقارماسى باسشىسىنىڭ ورىنباسارى قايرات مۇستافين كەلتىرگەن مالىمەتتەر بويىنشا قازىنادان بولىنگەن جانە قايىرىمدىلىق قورىنان جينالعان قاراجاتقا ۇيلەردىڭ شاتىرلارى جوندەلىپ, تەرەزەلەر مەن قاسبەتتەر اۋىستىرىلعان. كوپ بالالى وتباسىلار مەن از قامتىلعان جاندارعا, مۇگەدەكتەرگە ءبىرىنشى كەزەكتە كومەك كورسەتىلگەن. بۇدان بولەك قوسىمشا 20 باسپانانى قالپىنا كەلتىرۋ جۇمىستارىن ءوز مىندەتتەرىنە الىپ, ونى دا تولىعىمەن اتقارىپ شىققان. ءسويتىپ تەرىسكەيدىڭ قۇرىش قولدى قۇرىلىسشىلارى ماڭىزدى ۋچاسكەلەردە ۋاقىتپەن ساناسپاي ەڭبەك ەتىپ, تۇرعىنداردىڭ العىسىنا بولەندى.
قىزىلجار اۋدانىنا قاراستى «سولنەچنىي» ساۋىقتىرۋ لاگەرىندە 48 ارىستىق بالا ءبىر اي بويى الاڭسىز دەم الىپ, ۇيلەرىنە سەرگەك كوڭىلمەن ورالدى.
سولتۇستىك قازاقستان وبلىسى
