باس پروكۋرور قابىلدانعان شارالارعا قاراماستان, قىلمىستىق-اتقارۋ جۇيەسى (قاج) مەكەمەلەرىندە ءالى دە بولسا سوتتالعانداردىڭ قۇقىقتارىن بۇزۋعا جول بەرىلەتىنىن اتاپ ءوتتى. وسىعان وراي ەل پرەزيدەنتى باس پروكۋراتۋراعا ازاپتاۋلارعا مۇقيات تەكسەرۋ جۇرگىزۋدى, ال ءىىم-گە تۇزەۋ مەكەمەلەرىن جاڭعىرتۋدى جانە ازاماتتىق باقىلاۋدى كۇشەيتۋدى تاپسىردى.
ۇيلەستىرۋ كەڭەسى مۇشەلەرىنىڭ پىكىرىنشە, جاعدايدى تۇزەتۋ ءۇشىن كەشەندى ءىس-شارالار قابىلدانۋى, سونىڭ ىشىندە باراقتان كامەرادا ۇستاۋعا كوشۋ, مەديتسينالىق بولىمدەردى كولونيالار اكىمشىلىكتەرىنىڭ باعىنىسىنان شىعارۋ, سوتتالعانداردى ءبولۋ مەن اۋىستىرۋدى اۆتوماتتاندىرۋ, بەينەباقىلاۋ جانە شاعىم بەرۋگە ارنالعان تەرمينالدار ورناتۋ سياقتى جۇمىستار جۇرگىزىلۋى ءتيىس.
بىرقاتار ءىس-شارا باس پروكۋراتۋرانىڭ قاتىسۋىمەن ازىرلەنگەن ىشكى ىستەر ورگاندارى مەن قىلمىستىق-اتقارۋ جۇيەسىن رەفورمالاۋ جونىندەگى جول كارتالارىنان تۇرادى. ال پروكۋرورلىق تەكسەرۋلەر, قۇقىق قورعاۋشىلاردىڭ ەسەپتەرى, سوتتالعانداردىڭ شاعىمدارى كولونيالاردا ازاپتاۋلاردىڭ ءالى كۇنگە دەيىن بولاتىنىن كورسەتەدى. وڭىرلەردە پروكۋرورلار وسى باعدارلامالىق قۇجاتتاردىڭ ساپاسى مەن ىسكە اسىرىلۋ مەرزىمدەرىنە تۇراقتى قاداعالاۋدى قامتاماسىز ەتە-
ءدى.
سونىمەن قاتار باس پروكۋرور سوتتالعاندارعا قاتىستى زورلىق-زومبىلىقتىڭ بارلىق فاكتىلەرى بويىنشا قاتاڭ شارالار قابىلداۋدى, كىنالىلەردىڭ, سونىڭ ىشىندە الماتى وبلىسىنىڭ كولونياسىنداعى ازاپتاۋعا قاتىسى بار بارلىق كىنالىلەردىڭ جازادان قۇتىلماۋلارىنا قول جەتكىزۋدى تاپسىردى. بۇگىنگى تاڭدا پروكۋرورلار وسىنداي فاكتىلەر بويىنشا 23 قىلمىستىق ءىستى سوتقا جولدادى.
ۇيلەستىرۋ كەڭەسىنىڭ قورىتىندىسى بويىنشا قىلمىستىق جازالاردىڭ ورىندالۋ زاڭدىلىعىن قاداعالاۋدىڭ تيىمدىلىگىن ارتتىرۋ ماقساتىندا الماتى جانە شىعىس قازاقستان وبلىستارىندا ەكى مامانداندىرىلعان پروكۋراتۋرا قۇرۋ تۋرالى شەشىم قابىلداندى, وندا كولونيالاردا ەل بويىنشا بارلىق سوتتالعانداردىڭ شامامەن 30%-ى ۇستالادى, دەپ حابارلادى باس پروكۋراتۋرانىڭ ءباسپاسوز قىزمەتى.
