قوعام • 22 تامىز، 2019

كەشەندى تەستىلەۋ كەزىندە 1021 قاتىسۋشى ەرەجە بۇزعانى ءۇشىن اۋديتوريادان شىعارىلعان

56 رەت كورسەتىلدى

ورتالىق كوممۋنيكاتسيالار قىزمەتىنىڭ ءباسپاسوز الاڭىندا ۇلتتىق تەستىلەۋ ورتالىعى ديرەكتورىنىڭ م.ا. ديدار سماعۇلوۆ جانە سىبايلاس جەمقورلىققا قارسى ءىس-قيمىل اگەنتتىگى پاراساتتىلىق دەپارتامەنتىنىڭ ديرەكتورى دانيار سابىرباەۆتىڭ قاتىسۋىمەماگيستراتۋراعا ءتۇسۋ ءۇشىن وتكىزىلگەن كەشەندى تەستىلەۋدىڭ قورتىندىسىنا ارنالعان بريفينگ ءوتتى.

كەشەندى تەستىلەۋگە قاتىسۋ ءۇشىن 30 579 ءوتىنىش قابىلدانىپ، تەستىلەۋگە 28 131 ادام قاتىستى، بۇل ءوتىنىش بەرگەن تۇسۋشىلەردىڭ جالپى سانىنىڭ 92%-ىن قۇرايدى.

كت وتكىزۋ ءۇشىن ايماقتارعا قر ءبىلىم جانە عىلىم مينيسترلىگىنىڭ وكىلدەرى جىبەرىلىپ، رەسپۋبليكالىق اپەللياتسيالىق كوميسسيا جانە جەرگىلىكتى جەرلەردە اپەللياتسيالىق كوميسسيا قۇرىلدى. سونىمەن قاتار مەديتسينالىق كومەك كورسەتۋ پۋنكتتەرى ۇيىمداستىرىلىپ، تەستىلەۋ بارىسىندا قاۋىپسىزدىك قامتاماسىز ەتىلدى. سونداي-اق باقىلاۋشىلار رەتىندە سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى مەن ارنايى مونيتورينگتىك توپتار تارتىلدى.

«1021 تەستىلەنۋشى كت وتكىزۋ ەرەجەلەرىن بۇزعانى ءۇشىن اۋديتوريادان شىعارىلىپ، ولاردىڭ ناتيجەلەرى جويىلدى»، - دەدى قر ۇلتتىق تەستىلەۋ ورتالىعى ديرەكتورىنىڭ م.ا ديدار سماعۇلوۆ.

كت كەزىندە 217 اۋديتوريا پايدالانىلدى. بارلىق اۋديتوريالار ۇيالى بايلانىس قۇرالدارىنىڭ سيگنالدارىن باسۋ جانە بەينەباقىلاۋ قۇرىلعىلارىمەن قامتاماسىز ەتىلدى.

وقىتۋ قازاق نەمەسە ورىس تىلىندە جۇرگىزىلەتىن ماگيستراتۋراعا مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن شەكتى بالل كەمىندە 75 بالدى، اقىلى نەگىزدە قابىلداۋ ءۇشىن - كەمىندە 50 بالدى قۇرايدى. بولىمدەر بويىنشا: شەت ءتىلى بويىنشا - كەمىندە 25 بالل، وقۋعا دايىندىعىن انىقتاۋعا ارنالعان تەستىلەۋدەن - كەمىندە 7 بالل، ءار بەيىندى پاننەن - كەمىندە 7 بالل.

وقىتۋ اعىلشىن تىلىندە جۇرگىزىلەتىن ماگيستراتۋراعا مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن شەكتى بالل كەمىندە 50 بالل، اقىلى نەگىزدە قابىلداۋ ءۇشىن – كەمىندە 25 بالل. بولىمدەر بويىنشا: وقۋعا دايىندىعىن انىقتاۋعا ارنالعان تەست بويىنشا – كەمىندە 7 بالل، ءار بەيىندى پاننەن - كەمىندە 7 بالل.

كت ناتيجەسى بويىنشا 12 853 ۇمىتكەر نەمەسە تەستىلەۋگە قاتىسۋشىلاردىڭ 45،7%-ى مەملەكەتتىك ءبىلىم بەرۋ گرانتى كونكۋرسىنا قاتىسۋعا مۇمكىندىك الدى.

كت-عا ەرەكشە ءبىلىم بەرۋ قاجەتتىلىگى بار 3 ادام قاتىستى، ولار ءۇشىن جەكە اۋديتوريالار، جەكە كومەكشىلەر، سونداي-اق سۋردواۋدارماشىلار ۇسىنىلدى. عيماراتقا كىرگىزۋ كەزىندە 25 بوگدە تۇلعا انىقتالدى جانە ولار تەستىلەۋگە جىبەرىلمەدى. سونىمەن قاتار 1021 تەستىلەنۋشى كت وتكىزۋ ەرەجەلەرىن بۇزعانى ءۇشىن اۋديتوريادان شىعارىلىپ، ولاردىڭ ناتيجەلەرى جويىلدى. كىرگىزۋ جانە تەستىلەۋ بارىسىندا 20497 سمارتفون مەن ەلەكتروندىق قۇرىلعىلار، 498 شپارگالكا، 373 كالكۋلياتور جانە باسقا دا تىيىم سالىنعان زاتتار تاركىلەندى. اپەللياتسياعا بارلىعى 1642 ءوتىنىش قابىلداندى، ونىڭ ىشىندە تەست تاپسىرمالارىنىڭ مازمۇنى بويىنشا – 1580، تەحنيكالىق سەبەپتەر بويىنشا - 62.  ونىڭ ىشىندە، 346 ءوتىنىش قاناعاتتاندىرىلدى، 1296-ى- قاعاناتتاندىرىلمادى.

 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار