تاعايىنداۋ • 22 تامىز، 2019

ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى تاعايىندالدى

139 رەتكورسەتىلدى

قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترىنىڭ بۇيرىعىمەن اسحات قانات ۇلى قايناربەكوۆ قر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى قىزمەتىنە تاعايىندالدى. بۇل تۋرالى primeminister.kz حابارلادى.

اسحات قايناربەكوۆ 1975 جىلى 23 اقپاندا الماتى وبلىسى سارقان اۋدانى كوكوزەك اۋىلىندا دۇنيەگە كەلگەن. 1997 جىلى اباي اتىنداعى الماتى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا، 2003 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن «ەكونوميكا» ماماندىعى بويىنشا تامامداعان. 2006 جىلى م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ىسكەرلىك اكىمشىلىك شەبەرى دارەجەسىن العان. 2009 جىلى گارۆارد بيزنەس مەكتەبىن اياقتاعان. 2016 جىلى كولۋمبيا ۋنيۆەرسيتەتىنەن ەكونوميكا بويىنشا مەملەكەتتىك باسقارۋ ماگيسترى دارەجەسىن العان.

ەڭبەك جولىن 1998 جىلى قازاقستان رەسپۋبليكاسى سىرتقى ىستەر مينيسترلىگى ەكىنشى دەپارتامەنتىنىڭ مامانى بولىپ باستاعان.

ءتۇرلى جىلدارى سىرتقى ىستەر مينيسترلىگىندە رەفەرەنت، اتتاشە، ءۇشىنشى حاتشى، ەكىنشى حاتشىنىڭ مىندەتىن اتقارۋشى لاۋازىمدارىن اتقارعان، سونداي-اق، كوممەرتسيالىق سەكتوردا ەڭبەك ەتكەن.

2001 جىلدىڭ قىركۇيەگىندە الماتى وبلىسى تالعار اۋدانى اكىمىنىڭ ورىنباسارى قىزمەتىنە تاعايىندالدى.

2010 جىلدىڭ ءساۋىر ايىنان باستاپ 2018 جىلدىڭ قاڭتار ايىنا دەيىن اقمولا وبلىسى اكىمىنىڭ ورىنباسارى قىزمەتىن اتقاردى.

2018 جىلدىڭ قاڭتار ايىنان باستاپ قازىرگى تاڭعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتىن اتقاردى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار