– بارلىعى «StartUp بولاشاق» كونكۋرسىنان باستالدى. وسى كونكۋرستان كەيىن «باستاۋ بيزنەس» باعدارلاماسىنا قاتىستىم. بايقاۋداعى تالىمگەرلەردىڭ ءبىرى مەنى وقۋعا شاقىرعان سوڭ قولىمدا سەرتيفيكات بولعاندىقتان, گرانتقا ءوتىنىش ءبىلدىردىم. جوبانى ءساتتى قورعاپ شىقتىم دا گرانت قاراجاتىن پايدالانىپ قاجەتتى جابدىق ساتىپ الدىم, – دەدى بيزنەسۆۋمەن.
«باستاۋ بيزنەس» باعدارلاماسىنىڭ ارتىقشىلىقتارىن قوسپاعاندا, ونىمدەرىن ساقتايتىن توڭازىتقىشتار ساتىپ الۋىنىڭ ءوزى ەۆگەنيانىڭ كاسىبىنە ايتارلىقتاي وڭ اسەر ەتتى.
– بۇگىندە «اتامەكەن» ۇلتتىق كاسىپكەرلەر پالاتاسى مەن «دامۋ» كاسىپكەرلىكتى دامىتۋ قورى مەنى ءتۇرلى كورمەلەرگە ءجيى شاقىراتىن بولدى. بۇل, ارينە جاڭا تانىستىقتار ارقىلى جاڭا كليەنتتەردىڭ كەلۋىنە مۇمكىندىك بەرەدى جانە جالپى بيزنەستىڭ دامۋىنا وڭ اسەر ەتەدى, – دەپ كەيىپكەرىمىز ءسوزىن ساباقتادى.
ەۆگەنيانىڭ نەگىزگى ماماندىعى – فەلدشەر. دەگەنمەن, ماماندىعى وزىنە مۇلدەم باسقا جولدى تاڭداۋىنا كەدەرگى بولعان جوق. وعان قوسا, كاسىپكەر ءوزىنىڭ جەكە ءىسىن وركەندەتۋ ءۇشىن ءبىلىمىن جەتىلدىرەتىن «التىن كەنىش» تاپقانداي بولدى.
– جاقىندا مەن «ايەلدەر ميكروبيزنەسى» جوباسىنا قاتىستىم. قازىرگى ۋاقىتتا «اتامەكەن» ۇكپ-نىڭ «ىسكەرلىك بايلانىستار» جوباسىنىڭ قاتىسۋشىسىمىن. ايتايىن دەگەنىم, بۇگىندە كوپتەگەن جوبالار بار, بىراق ونداعى اقپاراتتار ءجيى قايتالانادى. ال مەن ءۇشىن «باستاۋ بيزنەس» راسىمەن دە بيزنەسىمنىڭ باستاۋى بولدى, بۇل مەنىڭ كاسىپكەر رەتىندە ەسەيۋىم دەپ بىلەمىن, – دەدى ەۆگەنيا شەلۋدكو.
«باستاۋ بيزنەس» كاسىپكەرلىك نەگىزدەرىن وقىتۋ جوباسى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسى اياسىندا ىسكە قوسىلدى. جىل باسىنان بەرى وقۋعا قابىلدانعان 15 مىڭ ازاماتتىڭ 3,5 مىڭنان استامى ءوز ءىسىن اشۋعا جانە ىلگەرىلەتۋگە گرانتتار مەن ميكروكرەديتتەر الدى. وسىلايشا جاڭا جۇمىس ورىندارىن قۇرۋعا ىقپال ەتەتىن كاسىپكەرلىك سۋبەكتىلەردى مۇمكىندىگىنشە كوپ قامتۋ جوسپارلانۋدا.
– بىزگە بيزنەس-جوسپار, قارجى جوسپارى نە ەكەنىن جانە ونى قالاي جاسايتىنىن ەگجەي-تەگجەيلى ءتۇسىندىردى. بيزنەسكە جاڭادان قادام باسقان بىزگە بۇل وتە ماڭىزدى بولدى. مەنىڭ كاسىپكەرلىكتەگى العاشقى مەكتەبىم دەسەم دە بولادى. بۇگىندە باسقا جوبالارعا قاتىسقاندا ءبارىن ءبىلىپ وتىرامىن. ايتپاقشى, ءبىزدىڭ مەكەمە ء«بىزدىڭ ءونىم» دەپ اتالادى, ونىمدەرىمىزدى العىسى كەلگەندەر بولسا ينتەرنەتتەن تاۋىپ الا الادى, – دەپ ەۆگەنيا ءسوزىن قورىتىندىلادى.
بيىل باعدارلاماعا كوپ بالالى وتباسىلار مەن جاستاردى قولداۋعا باعىتتالعان وزگەرىستەر ەنگىزىلدى.
ماسەلەن, 2019-2021 جىلدارى جاستاردىڭ جاڭا بيزنەس-يدەيالارىن ىسكە اسىرۋ ءۇشىن از قامتىلعان كوپ بالالى وتباسىلارعا, از قامتىلعان مۇگەدەكتىگى بار ەڭبەككە جارامدى ادامدارعا 505 مىڭ تەڭگەگە دەيىنگى مولشەردە 30 مىڭ تەگىن گرانت بەرىلەدى.
بۇدان باسقا, جىل سايىن جاستارعا, كوپ بالالى انالارعا, مۇگەدەكتىگى بار ادامدارعا جەكە كاسىبىن اشۋ ءۇشىن 6,5 ملن تەڭگەگە دەيىنگى مولشەردە جانە زاكىرلىك كووپەراتسيانى دامىتۋ ءۇشىن 20 ملن تەڭگەگە دەيىنگى مولشەردە 5 مىڭ ميكروكرەديت بەرىلەتىن بولادى.
